Anna Nordqvist jók enn forystu sína á 3. degi á Pattaya Old Course, í Siam Country Club, í Chonburi Thailandi, á Honda LPGA Thailand mótinu. Hún er nú með 4 högga forystu á næstu keppninauta sína þær Michelle Wie og nr. 1 á Rolex-heimslistanum Inbee Park, sem deila 2. sætinu, en báðar eru búnar að spila á samtals 7 undir pari, hvor. Samtals er Nordqvist búin að leika á samtals 11 undir pari, 205 (66 72 67). Ein í 4. sæti á 6 undir pari Julieta Granada frá Paraguay. Fimmta sætinu á samtals 5 undir pari, hver, deila síðan stórstjörnurnar: Lydia Ko, Lexi Thompson, Yani Tseng og móðirin nýbakaða Cristie Kerr. Lesa meira

Ýmislegt óvænt og fréttnæmt gerðist í 16 manna úrslitum í heimsmótinu í holukeppni. Sjá má hápunkta 3. umferðar á Dove Mountain, í Marana, Arizona með því að SMELLA HÉR:  Gary Player riðill Fyrst ber að geta að hinn ungi Jordan Spieth sigraði þann sem á titil að verja í mótinu Matt Kuchar með minnsta mun og virðist Spieth nærri óstöðvandi! Spieth mætir Ernie Els, en sá síðarnefndi vann Jason Dufner með minnsta mun. Fyrsti leikur í 8 manna úrslitum 4. umferðar, sem fram fer í dag er því ferskleiki á móti reynslu  Spieth g. Els. Ben Hogan riðill Hinn ungi Rickie Fowler, sem búinn er að ryðja burt ótrúlega sterkum Lesa meira

Næstu 4 laugardaga (22. febrúar, 1. mars, 8. mars og 15. mars)  munu fara fram SNAG námskeið í Kauptúni í Garðabæ (beint á móti IKEA), kl. 10-11. Í SNAG golfi eru kenndar grunnhreyfingarnar í golfinu á skemmtilegan hátt með æfingum og leikjum. Golfkennarar og SNAG leiðbeinendur á námskeiðinu eru Magnús Birgisson og Rögnvaldur Magnússon. Verð er kr. 12.500,- fyrir parið. Þetta er tilvalið námskeið fyrir afa, ömmur, pabba, mömmur og börn að mæta og skemmta sér konunglega saman, því SNAG er fyrir alla! Skráning er á mpgolf@hissa.is og í síma 775-0660.  

Axel Bóasson, GK og Mississippi State er á sléttu pari, 72 höggum eftir 1. dag á Bayou City Collegiate meistaramótinu í Houston golfklúbbnum, í Humble,  Texas. Mótið stendur dagana 21.-23. febrúar 2014 og þátttakendur eru 87 frá 15 háskólum. Axel er  í 23. sæti, sem hann deilir með 11 öðrum keppendum.  Axel er jafnframt á 2. besta skori Mississippi State, sem er í 7. sæti í liðakeppninni. Haraldur Franklín Magnús, GR og Louisiana Lafayette er 1 höggi á eftir, á 73 höggum og er í 35. sæti, ásamt 8 öðrum keppendum.  Haraldur fékk m.a. glæsiörn á 15. holu Houston golfvallarins! Haraldur Franklín er á 1.-2. besta skori Louisiana Lafayette, sem deilir Lesa meira

Eftir 2. dag á Pattaya Old Course, í Siam Country Club, í Chonburi Thailandi, á Honda LPGA Thailand mótinu er það sænski kylfingurinn  Anna Nordqvist, sem leiðir enn. Hún hefir 1. höggs forystu á þær sem eru í 2. sæti: Söndru Gal, Julietu Granada og Azahöru Muñoz. Nordqvist er samtals búin að spila á 6 undir pari, 138 höggum (66 72). Fimmta sætinu deila Michelle Wie og Stacy Lewis á 4 undir pari, hvor. Til þess að sjá stöðuna á Honda LPGA Thailand eftir 2. dag SMELLIÐ HÉR:

Í dag fóru fram leikar í 16 manna úrslitum á heimsmótinu í holukeppni. Hér eru úrslitin í heild eftir 3. umferð á heimsmótinu í holukeppni: (Sigurvegarar feitletraðir) Bobby Jones riðill: Louis Oosthuizen – Webb Simpson 5&4 Jason Day – George Coetzee 3&1   Gary Player riðill: Ernie Els – Jason Dufner 1&0 Jordan Spieth – Matt Kuchar 2&1 Ben Hogan riðill: Jim Furyk –Harris English 1&0 Rickie Fowler –Sergio Garcia 1&0   Sam Snead riðill: Graeme McDowell– Hunter Mahan 1&0 fór á 21. holu Victor Dubuisson – Bubba Watson  1&0   Til þess að sjá úrslitin myndrænt SMELLIÐ HÉR: 

Pádraig Harrington sagði á blaðamannafundi að hann væri með húðkrabbamein, sem hann væri í meðferð við. Pabbi Harrington lést úr krabbameini.  Harrington var í rútínuskoðun að láta fjarlægja dökka sólarbletti, þegar kom í ljós að hann væri með krabbamein og hann sagðist ræða það, til þess að vekja athygli á þessari tegund krabbameins. Um baráttu sína við krabbameinið sagði hann: „Ég er búin að láta fjarlægja nokkra bletta úr andlitinu á mér og í þeim fannst krabbamein. Þegar verður vart einkenna ekki gera ekki neitt. Gerið eitthvað í málinu!“ Harrington dró sig úr Opna breska 2005, sem fram fór það ár á St Andrews vegna þess að faðir hann dó Lesa meira

Haraldur Franklín Magnús, GR og Louisiana Lafayette er nú í 2. sæti á Bayou City Collegiate meistaramótinu í Houston golfklúbbnum, í Humble,  Texas eftir 9 spilaðar holur á 1. hring mótsins. Haraldur Franklín byrjaði á 10. teig og fékk strax flottan fugl á 11. holu.  Því miður fylgdi skolli strax á 12. braut …. en síðan fékk Haraldur Franklín glæsiörn á par-5 15. braut golfvallar Houston golfklúbbsins. Hann bætti síðan við öðrum fugli á 16. braut og er því búinn að spila sínar fyrri 9 (þ.e. seinni 9 á Houston golfvellinum) á 3 undir pari og er sem stendur í 2. sæti mótsins. En …. það er mikið golf eftir.  Vonandi Lesa meira

Afmæliskylfingur dagsins er Ólöf Guðmundsdóttir. Ólöf er fædd 21. febrúar 1957 og er í Golfklúbbnum Keili í Hafnarfirði. Komast má á facebook síðu Ólafar hér að neðan til þess að óska henni til hamingju með afmælið… Olof Gudmundsdottir Aðrir frægir kylfingar sem eiga afmæli í dag eru: Maurice Bembridge, 21. febrúar 1945 (69 ára); Holly Aitchison, 21. febrúar 1987 (27 ára) ….. og  ….. Haukur Sigvaldason (56 ára) Jóhann Pétur Guðjónsson (43 ára) Þórey Eiríka Pálsdóttir (42 ára) Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið! Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is

Á vefsíðu GR gefur að finna eftirfarandi frétt: „Þá er búið að draga út vinningshafa í Facebook leik Golfklúbbs Reykjavíkur. Óhætt er að segja að frábær þátttaka hafi verið í leik okkar. Alls lásu 26.328 aðilar fréttina um leikinn, um 605 aðilar deildu og um 144 „lækuðu“.    Vinningshafar að þessu sinni eru þær Björg Eyjólfsdóttir og Edda Þórsdóttir sem dregnar voru út. Um leið og Golfklúbbur Reykjavíkur óskar þeim Björgu og Eddu til hamingju þá viljum við einnig þakka þeim fjölmörgu sem þátt tóku í leiknum. Hlökkum til að sjá ykkur á golfvellinum í sumar.“ Mynd: F.v. Edda Þórsdóttir  og Björg Eyjólfsdóttir.