Ragnheiður Jónsdóttir | janúar. 23. 2023 | 05:00

PGA: Rahm rúllaði upp AmEx Open

Jon Rahm stóð uppi, sem sigurvegari á American Express Open (skammst.: AmEx Open) móti vikunnar á PGA Tour.

Sigurskor Rahm var 27 undir pari, 261 högg (64 64 65 68).

Í 2. sæti á samtals 26 undir pari var nýliðinn Davis Thompson – sjá nýlega kynningu Golf 1 á Thompson, með því að SMELLA HÉR: 

Mótið fór fram á Pete Dye Stadium vellinum, í  La Quinta, Kaliforníu, dagana 19.-22. janúar 2023.

Eftir sigurinn fór Rahm úr 5. sæti heimslistans í 3. sætið. Það er með ólíkindum að heimslistinn skuli ekki hafa sett hann í 1. sætið fyrir löngu; því á skömmum tíma hefir frammistaða Rahm verið hreint ótrúlegt og maður spyr sig hvað þurfi eiginlega til í toppsæti heimslistans?

Sjá má eldri grein Golf1 um heimslistamál Jon Rahm með því að SMELLA HÉR: 

Sjá má lokastöðuna á AmEx Open með því að SMELLA HÉR: