Ragnheiður Jónsdóttir | júlí. 11. 2021 | 23:00

PGA: Fyrsti sigur Glover í 10 ár!!!

Það var Lucas Glover sem sigraði á John Deere Classic, sem var mót vikunnar á PGA Tour.

Þetta er fyrsti sigur Glover í 10 ár!!! Síðasti sigur Glover var á Wells Fargo meistaramótinu, 8. maí 2011.

Sigurskor Glover nú var 19 undir pari, 265 högg (68 63 70 64).

Lucas Glover er fæddur 12. nóvember 1979 og því 41 árs. Hann hefir aðallega verið í fréttum sl. ár vegna drykkfelldrar eiginkonu sinnar, Kristu, sem lemur hann þegar hann sigrar ekki á mótum – sjá m.a. eldri frétt Golf1 þar um með því að SMELLA HÉR:  

Glover á í beltinu 7 atvinnumannssigra, þar af 4 á PGA Tour. Stærsti sigur hans, fyrir utan þennan, er eflaust sigur Glover á Opna bandaríska 2009.

Ryan Moore og Kevin Na deildu 2. sæti á John Deere Classic, 2 höggum á eftir Glover.

Sjá má lokastöðuna á John Deere Classic með því að SMELLA HÉR: