Golf 1 níu ára í dag!

Golf 1 er níu ára í dag, þ.e. 9 ár eru frá því að fyrsta fréttin birtist á Golf 1 golffréttavefnum. Það var frétt í greinaflokknum „Frægir kylfingar“ og um John F. Kennedy 35. forseta Bandaríkjanna, sem enn í dag þykir, að öðrum ólöstuðum, fremstur í golfi af þeim sem setið hafa í forsetastóli í Bandaríkjunum.. Sjá fyrstu grein Golf 1 með því að SMELLA HÉR:

Frá því fyrir níu árum síðan hafa tæpar 23.000 greinar birtst á Golf1, á íslensku, ensku og þýsku en Golf 1 er því eini golffréttavefurinn í heiminum sem skrifar golffréttir á íslensku, ensku og þýsku.

Reyndar er svo komið nú fyrir Golf 1 að fréttir hafa ekki verið skrifaðar í rúman 1 mánuð og eru ástæður þessa fjöl- þættar. En það þarf ekki að örvænta …. Golf 1 heldur áfram og vel við hæfi að hefja skriftir að nýju á níu ára afmæli Golf 1 golffréttavefsins.

Golf 1 mun áfram flytja fréttir af 2. vinsælustu íþróttagrein á Íslandi ásamt því efni sem vefurinn er orðinn þekktur fyrir: úrslitafréttir af öllum helstu mótaröðum heims, afmælisgreinar, kynningar á og viðtöl við kylfinga, kynningar á golfvöllum, kynningar á golfbókum, sögur af golfi, golfútbúnaðargreinar, krakkana okkar á unglingamótaröðunum, fremstu kylfingunum okkar á „Mótaröð þeirra bestu“, frægum og ekki svo frægum kylfingum, krökkunum okkar í bandaríska háskólagolfinu (þegar Covid-19 ástandinu linnir); fréttir af meistaramótum klúbba, sveitakeppnum, almennum mótum, hefðbundnum sem óhefðbundnum, kvenkylfingum sem karlkylfingum, ungum sem öldnum, íslenskum sem útlenskum.

Eins og lagt var upp með í upphafi er ekkert viðkomandi golfi Golf 1 óviðkomandi!

Bestu þakkir fyrir góðar viðtökur fyrstu 9 starfsárin. Golf 1 heldur áfram og vonar svo sannarlega að lesendur haldi áfram að fylgjast með vefnum!

Ragnheiður Jónsdóttir, ritstjóri Golf 1.