Það munaði aðeins 1 höggi að Þórður Rafn Gissurarson, GR,  kæmist áfram á 2. stig úrtökumóts fyrir Evrópumótaröðina. Hann lék samtals á 6 undir pari, 282 höggum (72 72 67 71) en það þurfti að vera á 7 undir pari til að vera í hópi 21 efstu sem komast á 2. stigið. Þetta verða að teljast veruleg vonbrigði!!! Tveir urðu efstir og jafnir á Frilford Heath,  „heimamennirnir“ Daniel Gavins og Greg Payne, sem báðir léku á samtals 18 undir pari, 270 höggum, hvor. Til þess að sjá lokastöðuna á úrtökumótinu í Frilford Heath SMELLIÐ HÉR:   

Í gær var stór sögulegur dagur í golfinu en þá fengu konur í fyrsta skipti í 260 ára sögu Royal and Ancient Golf Club of St. Andrews að gerast félagar í klúbbnum…. þótt sumir karlrembumiðlar hafi kosið að greina ekki frá þessari frétt! Allir félagsmenn (allt karlar) þ.á.m. allþjóðlegir félagar alls 82% af 3/4 hluta allra félagsmanna R&A guldu jáyrði sitt við því að konum yrði heimiluð félagsaðild að golfklúbbnum, sem hingað til hefir verið lokaður karlaklúbbur. Fannst mörgum sem tími væri kominn á að heimila konum að gerast félagar einkum í ljósi þess að St. Andrews er nú einu sinni „vagga golfsins“ og ekki bara hvaða golfklúbbur sem er. Lesa meira

Maður skyldi ætla að Rory væri nú við æfingar eða að hvíla sig fyrir Ryder bikars slaginn við lið Bandaríkjanna í næstu viku…. en ekkert er fjær því. Í gær var Rory á miðri Thames-á í London, en einn styrktaraðila hans Santander stóð fyrir skemmtilegum leik. Búið var að koma upp skotskífu í miðri Thames á og þeir sem áttu skot í miðju skífunnar, merkt Rory, hlutu 5000 punda (1/2 milljón króna) golfferð með Santander. Rory var síðan á pallinum þegar fólk reyndi að hitta í miðju skífunnar og afhenti verðlaun. Einn þeirra sem reyndi að næla sér í golfferð var borgarstjóri London, Boris Johnson.  

Nicolas Colsaerts frá Belgíu er enn einn kylfingurinn sem var í kraftaverkaliði Olazabál í Medinah, sem ekki verður með í Ryder bikarnum í Gleneagles í næstu viku. Colsaerts er ein mesta sleggja golfsins beggja vegna Atlantsála og setti nýtt met hvað högglengd varðar í gær á 18. holu (9. hola hans á hringnum) Twenty ten vallarins á Celtic Manor, þar sem Wales Open fer fram. Átjánda holan er par-5 575 yarda (525,78 metra).  Teighögg Colsaerts á 18. holu var 447 yarda (408,74 metra) og bætti hann eldra lengdarmet á Evrópumótaröðinni um 5 yarda (u.þ.b. 4,5 metra), en fyrra metið átti Indverjinn Shiv Kapur og setti hann það á Madeira Islands Lesa meira

Það besta í íslensku golfi í dag var sigur Gísla Sveinbergssonar, GK. á Duke of York mótinu! Hann varð efstur af 54 sterkustu unglingum, í evrópsku golfi! Stórglæsilegt hjá Gísla og það sem vitað var að þar færi flottur kylfingur, sem sífellt er að ná lengra og lengra!!! Ragnhildur Kristinsdóttir GR, lauk leik í 35. sæti, bætti sig um heil 6 högg seinni daginn þ.e. lék á samtals 156 höggum (81 75). Þetta er glæsilegur árangur íslenskra unglinga á erlendri grund og eru þau svo sannarlega hetjur íslensks golfs í dag!!! Sjá má lokastöðuna á Duke of York mótinu með því að SMELLA HÉR: 

Opna Gevalía fer fram á Hamarsvelli í Borgarnesi, laugardaginn 20.september n.k. Keppnisfyrirkomulag er punktakeppni með FULLRI FORGJÖF!! Hér er tengill inn á golf.is til þess að skrá sig í mótið SMELLIÐ HÉR:  Glæsileg verðlaun í boði!!! 1.sæti: 45.000kr gjafabréf í Örninn golf 2.sæti: 30.000kr gjafabréf í örninn-golf 3.sæti: 20.000kr gjafabréf í Örninn-golf 4.sæti:  15.000kr gjafabréf í Örninn-golf 5.sæti:  10.000kr gjafabréf í Örninn-golf Besta skor: 35.000kr gjafabréf í Örninn-golf Nándarverðlaun á öllum par 3 holum Mótanefnd Golfklúbbs Borgarness

Það var slæmur skrambi, 7 högg á par-4 18. holu Fleesensee golfvallarins (9. holu Axels á hringnum en hann hóf hringinn á 10. teig í morgun), sem eyðilagði annars flottan 3. hring Axels Bóassonar, GK, sem tekur þátt í 1. stigi úrtökumóts fyrir Evrópumótaröðina í Fleesensee í Þýskalandi. Axel lék á 1 yfir pari,  73 höggum í dag; fékk m.a. 5 fugla!!! í mikilli baráttu að vinna upp skrambann. Axel er búinn að leika á samtals 2 yfir pari, 218 höggum (75 70 73) og er í 37.-43. sæti eftir 3. mótsdag. Vonandi gengur Axel sem best á morgun!!! Til þess að sjá stöðuna á Fleesensee úrtökumótinu eftir 3. mótsdag Lesa meira

Þórður Rafn Gissurarson, GR átti hreint frábæran hring á 3. degi 1. stigs úrtökumóts fyrir Evrópumótaröðina, sem fram fer á Frilford Heath Blue vellinum í Englandi. Þórður Rafn lék á 5 undir pari, 67 höggum fékk m.a. 2 erni og 3 fugla á hringnum, en því miður einnig 2 skolla. Engu að síður stórglæsilegt hjá Þórði Rafni! Samtals er Þórður Rafn búinn að spila á 211 höggum (72 72 67) og er aðeins 1 höggi frá hópi 16 efstu. þ.e. þeirra sem eru í 16.-23. sæti.  Þórður Rafn er sem stendur í 24.-31. sæti með 7 öðrum og þessi árangur nægir ekki og verður Þórður Rafn því að halda uppteknum Lesa meira

Félagar í The Royal and Ancient Golf Club of St Andrews kusu um það hvort veita ætti kvenfólki inngöngu í klúbbinn ….. og með miklum meirihluta og í fyrsta sinn í 260 ára sögu þessa eins íhaldsamasta golfklúbbs heims fá konur nú að gerast félagar. Peter Dawson ritari klúbbsins sagði m.a. af því tilefni: „Ég er mjög ánægður að kynna að félagar The Royal and Ancient Golf Club of St Andrews hafa kosið í miklum meirihluta að velkoma eiga konur sem félaga í klúbbinn.“ „Meira en 3/4 alþjóðlegs hluta félaga sem þátt tóku í kosningunni og 85% þeirra guldu jáyrði sitt við því að konum yrði leyft að gerast félagar í Lesa meira

Gísli Sveinbergsson, GK, sigraði á Duke of York mótinu, sem fram fór á Royal Aberdeen golfvellinum í Aberdeen, Skotlandi. Gísli lék á samtals á glæsilegum 137 höggum (69 68) og átti hann heil 4 högg á næsta keppanda Japanann Ren Okazaki. Aðeins voru leiknir 2 hringir í mótinu og sá þriðji felldur niður vegna þykkrar þoku. Svo virðist sem Íslendingar sigri í DOY annað hvert ár, en Guðmundur Ágúst Kristjánsson, GR sigraði árið 2010 og Ragnar Már Garðarsson, GKG, árið 2012.!!! En mikið ofboðslega var þetta flott hjá Gísla – innilega til hamingju með þennan stórkostlega árangur!!! Sjá má lokastöðuna á Duke of York mótinu með því að SMELLA HÉR: