Birgir Leifur Hafþórsson, GKG. Photo: Golf 1
Ragnheiður Jónsdóttir | október. 23. 2013 | 22:00

Birgir Leifur á pari eftir 2. dag

Íslandsmeistarinn okkar í höggleik 2013, Birgir Leifur Hafþórsson, GKG, hóf í gær  keppni á 1. stigi úrtökumóts fyrir Web.com mótaröðina.

Keppt er á Callaway Gardens Mountain golfvellinum í Pine Mountain, Georgíu, sem Golf 1 hefir áður fjallað um – sjá með því að SMELLA HÉR:  og SMELLA HÉR: 

Birgir Leifur lék fyrsta hringinn í gær á 1 undir pari, 71 höggi og fylgdi þeim hring eftir með hring upp á 1 yfir  pari, 73 höggum og er samtals á sléttu pari, eftir tvo leikna hringi.

Sem stendur er Birgir Leifur í 46. sæti.og ljóst að hann verður að gefa í því aðeins komast 30 efstu og þeir sem eru jafnir í 30. sæti áfram á 2. stig úrtökumótsins.  Birgir Leifur er tveimur höggum frá því takmarki, þannig að þetta er ekkert búið enn!

Sjá má stöðuna á úrtökumótinu sem Birgir Leifur tekur þátt í, í Georgíu með því að SMELLA HÉR: