Ragnheiður Jónsdóttir | október. 7. 2018 | 16:00

Afmæliskylfingur dagsins: Fannar Ingi Steingrímsson – 7. október 2018

Það er klúbbmeistari GHG 2018 Fannar Ingi Steingrímsson, sem er afmæliskylfingur dagsins. Fannar Ingi er fæddur 7. október 1998 og er því 20 ára stórafmæli í dag. Fannar Ingi er í GHG, þ.e. Golfklúbbi Hveragerðis.

Fannar Ingi spilaði á Arionbankamótaröðinni 2012 með góðum árangri. Sem fyrr tók Fannar Ingi einnig þátt í nokkrum mótum erlendis með góðum árangri. Þannig keppti hann í maí 2013 á US Kids European Championship sem fram fór á golfvelli Luffness New Golf Club í Skotlandi. Þar lauk Fannar Ingi keppni í 2. sæti.

Eftirminnilegasta afrek Fannars Inga frá árinu 2013 er e.t.v. 2. mótið á Íslandsbankamótaröðinni, sem fram fór á Strandarvelli á Hellu. Þar sigraði Fannar Ingi með glæsihring upp á 61 högg!!!

Í byrjun júní 2013 varð Fannar Ingi síðan í 9. sæti á Eimskipsmótaröðinni (aðeins 14 ára!!!) úti í Eyjum, þar sem keppt var í leiðindarigningarúrhelli síðari daginn.

Fannar Ingi komst í 8 manna úrslit á Íslandsmótinu í holukeppni 2013 í drengjaflokki en laut þar í lægra haldi fyrir Birgi Birni Magnússyni 3&1.

Fannar tók síðan þátt í Finnish International Junior Championship í fyrra, 2013, þar sem hann deildi 28. sæti á 13 yfir pari (79 78).

Stuttu síðar var hann við keppni í Kaliforníu í gríðarlega sterku heimsunglingamóti, Callaway Junior World Golf Championship þar sem hann varð í 26. sæti.

Enn tók Fannar Ingi þátt í feykisterku unglingamóti,US Kids Golf Teen World Championship 2013, þar sem hann varð í 5. sæti, sem var stórglæsilegur árangur í ljósi þess að keppendur voru 130 víðs vegar að úr Bandaríkjunum og heiminum öllum. Leikið var á Pinehurst golfvellinum í Norður-Karólínu í Bandaríkjunum.

Fannar varð síðan þegar heim var komið í 6. sæti á Íslandsmóti unglinga í höggleik, þ.e. drengjaflokki og í 3. sæti á 7. og síðasta móti Íslandsbankamótaraðarinnar, sem fram fór í Grafarholtinu 2013.

Loks mætti geta þess að Fannar Ingi ásamt 5 öðrum fræknum gerði okkur öll geysistolt þegar piltalandsliðið okkar komst áfram úr undankeppni fyrir EM varð í 3. sæti í liðakeppninni 2013 og Fannar Ingi í 2. sæti í einstaklingskeppninni!!!

Árið 2014 var Fannar Ingi m.a. tvöfaldur Íslandsmeistari, þ.e. er bæði Íslandsmeistari í holukeppni og höggleik í drengjaflokki (15-16 ára) á Íslandsbankamótaröðinni.

Dagana 24.-26. júlí 2015 fór fram European Young Masters mótið í Golf Club Hamburg.

Þátttakendur frá Íslandi voru 4: Fannar Ingi Steingrímsson, GHG; Henning Darri Þórðarson, GK; Saga Traustadóttir, GR og Ólöf María Einarsdóttir, GHD.

Fannar Ingi stóð sig best af íslensku þátttakendunum varð í 13. sæti á samtals 6 yfir pari.

Af mörgu frábæru sem aðeins er hægt að tæpa á hér er glæsihringur Fannars Inga á 2. degi á Eimskipsmótaröðinni 2014, þar sem hann lék á 4 undir pari, 66 glæsihöggum!

Í ár, líkt og á undanförnum árum hefir Fannar Ingi bæði verið að spila á Íslandsbankamótaröðinni og Eimskipsmótaröðinni. Hann lék í bandaríska háskólagolfinu með golfliði Troy háskólans en er ekki með í bandaríska háskólagolfinu í ár.

Sjá má gamalt viðtal Golf 1 við Fannar Inga (frá árinu 2012) með því að SMELLA HÉR: Komast má á facebook síðu afmæliskylfingsins til þess að óska honum til hamingju hér að neðan

Fannar Ingi Steingrímsson – Innilega til hamingju með 20 ára stórafmælið!!!

Aðrir frægir kylfingar sem eiga afmæli í dag eru: Hermann Keiser, 7. október 1914 (vann m.a. Masters risamótið 1946); Sóley Víglundsdóttir, 7. október 1962 (57 ára); Peter Baker, 7. október 1967 (51 árs); Rionajaskavan Fridleifsdottir, 7. október 1988 (30 ára STÓRAMFÆLI); Jenny Shin, 7. október 1992 (26 ára) ….. og ……

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is