Birgir Björn Magnússon, GK. Mynd: Golf 1
Ragnheiður Jónsdóttir | maí. 12. 2020 | 16:00

Afmæliskylfingur dagsins: Birgir Björn Magnússon – 12. maí 2020

Afmæliskylfingur dagsins er Birgir Björn Magnússon, GK. Birgir Björn er fæddur 12. maí 1997 og á því 23 ára afmæli í dag!!! Hann varð Íslandsmeistari í höggleik í flokki 14 ára og yngri stráka 2011. Birgir Björn innsiglaði Íslandsmeistaratitilinn með stæl 8. ágúst 2011, en hann setti nýtt vallarmet af rauðum í Grafarholtinu við það tækifæri spilaði á -7 undir pari, 64 glæsihöggum og fékk auk þess örn á par-5 15. braut Grafarholtsins, sem mörgum finnst ein erfiðasta golfbraut landsins.

Birgir Björn Magnússon að fara að slá aðhöggið á 15. braut fyrir erni. Hann lauk hringnum með skor upp á 64 högg og varð Íslandsmeistari 14 ára og yngri, 8. ágúst 2011, með glæsibrag! Mynd: Golf 1

Sumarið, 2012, spilaði Birgir Björn bæði á Unglingamótaröðinni og Eimskipsmótaröðinni. Hann byrjaði árið 2012 á því að fara í æfingaferð með landsliðshópnum, völdum af Úlfari Jónssyni, til Eagle Creek í Flórída. Um vorið 2012 fór Birgir Björn holu í höggi á 8. holu Garðavallar á Akranesi.

Birgir Björn Magnússon, GK við 8. holu á Garðavelli. Mynd: Magnús Birgisson

Birgir Björn varð í 5. sæti á 1. móti Unglingamótaraðar Arion banka á Garðavelli; síðan varð hann í 3. sæti á á 2. móti Unglingamótaraðar Arion banka. á Þverárvelli, 3. júní 2012.

Síðan náði Birgir Björn þeim glæsilega árangri að landa 7. sætinu á Finish International Junior Championship, sem fram fór 27.-29. júní 2012.

Birgir Björn varð í 2. sæti í Íslandsmótinu í höggleik 15-16 ára drengja, í mótinu í Kiðjaberginu:

Birgir Björn varð síðan Íslandsmeistari í holukeppni 2012:

Íslandsmeistarinn í holukeppni í drengjaflokki, Birgir Björn Magnússon, GK, f.m.; Aron Snær Júlíusson, GKG, t.v. hlaut 2. sætið og Óðinn Þór Ríkharðsson, GKG, t.h.i hlaut 3. sætið. Mynd: gsimyndir.net

Íslandsmeistarar í sveitakeppni GSÍ í flokki 15 ára og yngri drengja – A-sveit Golfklúbbsins Keilis í Hafnarfirði, skipuð 4 Íslandsmeisturum. F.v. : Atli Már Grétarsson, Helgi Snær Björgvinsson, Birgir Björn Magnússon (heldur á Íslandsmeistara-verðlaunagripnum), Henning Darri Þórðarson og Gísli Sveinbergsson. Lengst til vinstri er liðsstjóri og þjálfari drengjanna Sigurpáll Geir Sveinsson. Mynd: gagolf.is

Árið 2013 varð Birgir Björn m.a. klúbbmeistari Golfklúbbsins Keilis aðeins 16 ára.

Golf 1 tók viðtal við Birgi Björn í ársbyrjun 2014, sem sjá má með því að SMELLA HÉR:

Einn yngsti klúbbmeistari Keils, Birgir Björn Magnússon, 16 ára, 2013

Birgir Björn spilaði á Íslandsbankamótaröðinni og Eimskipsmótaröðinniá árin 2014 og 2015 og hinni síðarnefndu 2016 með góðum árangri.

Á undanförnum misserum hefir Birgir Björn spilað í bandaríska háskólagolfinu og hér heima á mótaröð þeirra bestu.

Birgir á ekki langt að sækja golfhæfileikana, en foreldrar hans eru Magnús Birgisson, golfkennari MP Academy og Ingibjörg Guðmundsdóttir. Birgir Björn á tvo bræður Sindra og Pétur. Komast má á síðu afmæliskylfingsins til þess að óska honum til hamingju með daginn hér að neðan

Birgir Björn Magnússon (23 ára – Innilega til hamingju með afmælið!!!)

Aðrir frægir kylfingar sem eiga afmæli í dag eru: Jenetta Bárðardóttir, 12. maí 1949 (71 árs); Elsa Björk Knútsdóttir, 12. maí 1958 (62 ára); Amy Benz, 12. maí 1962 (58 árs); Steven Conran, 12. maí 1966 (54 ára); Andrew Coltart, 12. maí 1970 (50 ára STÓRAFMÆLI); Mike Malizia, 12. maí 1970 (50 ára STÓRAFMÆLI); Jim Furyk 12. maí 1970 (50 ára STÓRAFMÆLI); Mike Weir 12. maí 1970 (50 ára STÓRAFMÆLI); Guðrún Gerður Steindórsdóttir 12. maí 1971 (49 ára); Sebastians Art 12. maí 1972 (48 ára); Valur Heiðar Sævarsson, f. 12. maí 1974 (46 ára)…… og …….

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is