Gary Player höfðar mál gegn syni sínum og sonarsyni

Sonur og sonarsonur Gary Player, 87 ára, eru sagðir hafa selt verðlaunabikara Gary Player og kylfur gegn vilja hans.

Verðlaunagripa deila Gary Player við son sinn og sonarson hefur náð nýju stigi þar sem hinn nífaldi stórmeistari (Player) hefir nú kært umrædda fjölskyldumeðlimi fyrir að selja eða reyna að selja titla og kylfur úr safni sínu.

Player lagði fram kæru í maí á hendur syni sínum Marc og höfðaði  í nóvember formlegt mál gegn Damian syni Marc, samkvæmt Palm Beach Post. Sjá grein Palm Beach Post með því að SMELLA HÉR: 

Marc hefir verið umboðsmaður (ens: manager) föður síns og framkvæmdastjóri „Black Knight“ veldis Gary Player um skeið.

Marc B Player

Golfáhangendur muna kannski eftir deilunni í kringum Wayne son Players á Masters 2021. Wayne Player var settur í bann frá öllum framtíðar Masters mótum fyrir að kynna golfboltamerki þegar hátíðlega var slegið teighögg fyrir Lee Elder, fyrsta svarta kylfinginn til að keppa á Augusta National.

„Aðeins með mestu tregðu og eftir margra ára tilraun til að forðast þetta þurfti Gary að framfylgja réttindum sínum á þennan hátt,“ sagði lögfræðingur Gary .Players, Stuart Singer, við Palm Beach Post.

Gary Player segir að Marc og Damian hafi brotið samkomulag, sem krefst þess að titlum hans og kylfum verði skilað til hans.

Áralöng deila tók stakkaskiptum árið 2019, þegar hinn 87 ára gamli Gary Player sleit viðskiptasambandi sínu við Marc.

Nú hefir ágreiningurinn aukist enn frekar.

Í málshöfðuninni segir að Damian hafi fengið kaupendur að munum í eigu Gary Player, sem geymdir voru í 19 skápum í geymslu í Suður-Karólínu, auk margra Rolex úra, fyrir háar fjárhæðir.

Masters bikar Gary Player 1974 var seldur fyrir $523.483 gegn vilja hans árið 2021, ásamt verðlaunabikar sem hann hlaut fyrir sigur í South African Open, sem og járnasett sem hann notaði í Opna bandaríska  og golfskór, sem hann klæddist á 52. Masters.

Ofboðslega er ömurlegt fyrir hina 87 ára golfgoðsögn að þurfa að lenda í lagadeilu við eigin afkvæmi!

Sem betur fer eru þó ekki öll börn og barnabörn Gary Player við sama heygarðshornið; hinn aldni meistari tók nefnilega þátt í feðgamóti PGA Tour, PNC Championship, sem fram fór sl. helgi og Golf 1 greindi frá (Sjá með því að SMELLA HÉR:) …. með öðru barnabarni sínu, Jordan Player.

Alls á Gary Player 6 börn: tvo syni: Wayne og Marc og fjórar dætur: Amöndu, Jennifer, Michelle og Theresu.

Barnabörn Gary Player eru 22 og hann á einnig tvö barnabarnabörn.