Nýju strákarnir á PGA 2020: Xinjun Zhang (24/50)

Eins og á undanförnum árum mun Golf 1 kynna „Nýju strákana“ á PGA Tour. Nú verða kynntir „nýju strákarnir“ keppnistímabilið 2019-2020 til sögunnar, en það eru sem fyrr efstu 25 á peningalista Korn Ferry Tour eftir 2018-2019 keppnistímabilið og síðan þeir 25 sem stóðu sig best í síðustu 3 mótunum á mótaröðinni þ.e. í Korn Ferry Tour Finals.

Fyrst verða kynntir þeir 25, sem urðu efstir á stigalista Korn Ferry Tour eftir reglulega tímabilið og hlutu þannig kortin sín á mótaröð þeirra bestu, PGA Tour, fyrst var kynntur sá sem varð í 25. sæti og rétt slapp inn á mótaröðina og síðan endað á þeim sem landaði 1. sæti stigalistans, Scottie Scheffler, með 2935 stig.  Síðan verða kynntir þeir 25 sem komust á PGA Tour gegnum Korn Ferry Tour Finals.

Í gær var kynntur sá kylfingur sem varð í 4. sæti eftir reglulega tímabilið Harry Higgs. Sleppt verður að kynna aftur Robby Shelton (sem varð í 3. sæti eftir reglulega tímabilið) – Sjá kynningu á honum með því að SMELLA HÉR og Scottie Scheffler (sem varð í 1. sæti eftir reglulega tímabilið) – Sjá kynningu á honum með því að SMELLA HÉR:, sem og Richy Werenski (sem varð í 25. sæti á Korn Ferry Finals),  – Sjá kynningu á honum með því að SMELLA HÉR: þar sem búið er að kynna þá 3 kylfinga. Ástæðan: Farið var út fyrir röðina, þar sem þeir þrír létu þá þegar kveða að sér í fyrstu mótum PGA Tour keppnis-tímabilsins.

Í dag verður því Xinjun Zhang kynntur, sem varð í 2. sæti eftir reglulega tímabilið og á morgun hafist handa við að kynna DJ Trahan  (sem varð í 24. sæti á Korn Ferry Finals) og síðan haldið þeirri röð þar til endað verður á þeim sem landaði 1. sætinu í Korn Ferry Finals, Matthew NeSmith.

Xinjun Zhang fæddist 10. júní 1987 í Shanxi í Kína og er því 32 ára.

Zhang ólst upp í sveit í Kína í sárafátækt, þar sem hann varð m.a. að klífa upp fjall á hverjum degi til þess að komast í skóla.

Seinna fann hann sér starf a golfvelli í borginni Xi’an, þar sem hann vann fyrir sér sem kylfusveinn.

Til þess að bæta sig ákvað hann að læra golf og féll alveg fyrir íþróttinni.

Árið 2010 gerðist Zhang atvinnumaður í golfi. Árið 2014 var Zhang kominn á PGA Tour China Series.

Sigrar, sem hann hefir unnið í Kína eru m.a:

2014 Beijing Open á PGA Tour China Series
2015 Chongqing Open á PGA Tour China Series

Á undanfara Korn Ferry Tour komst Zhang 2015 og 2018 komst hann í 1. skiptið á PGA Tour.

Honum gekk ekki nógu vel þar og 2019 var hann aftur kominn á Korn Ferry Tour.

Þar náði hann m.a. að sigra á 2019 Dormie Network Classic at Briggs Ranch, Lincoln Land Championship presented by LRS mótinu og er því búinn að endurnýja tilverurétt sinn á bestu mótaröð heims fyrir karlkylfinga, PGA Tour.