WGC: Si Woo Kim setti nýtt met – 13 högg á 1 holu á Fedex St. Jude Inv.!

Si Woo Kim setti met á PGA mótaröðinni, sunnudaginn 8. ágúst sl., þegar hann var með 13 högg á par-3 11. holuna á TPC Southwind í Memphis, á  lokadegi WGC-FedEx St Jude Invitational.

Kim fór við það úr samtals 5 yfir pari, í 15 yfir par á aðeins 1 holu. Bolti hans fór 5 sinnum í vatn og hann fékk vítahögg í hvert sinn fyrir og þurfti síðan 3 högg á flöt til þess að koma boltanum niður.

Hann setti met, því þetta skor hans er það hæsta á par-3 holu á PGA mótaröðinni frá a.m.k. 1983, þegar farið var að halda um svona tölfræði.

Kim lauk við hringinn á 78 höggum og var í 65. og síðasta sæti þeirra sem náðu niðurskurði á St. Jude – á samtals 13 yfir pari, 278 höggum (70 70 75 78).  Þar af var lokahringurinn dýr – 8 yfir par! Hann var heilum 29 höggum á eftir þeim, sem sigraði  Abraham Ancer, sem og þeim Burns og Matsuyama.

11. holan á TPC Southwind í Memphis er svipuð að hönnun og hin goðsagnakennda 17. á TPC Sawgrass, en á síðargreinda vellinum sigraði Kim þ.e. á Players Championship 2017 og ætti því að eiga góðar minningar frá svona holu, en par-3 holurnar voru eitthvað að stríða honum sl sunnudag!