Vonn talar um samband sitt við Tiger

Opna bandaríska 2013 var enn eitt risamót vonbrigða fyrir Tiger. Eyðimerkurganga hans hvað snertir sigra í risamótum heldur áfram, en ofan á allt saman lauk hann keppni á einu versta skori á ferli sínum, þ.e. var á samtals 13 yfir pari eftir 4 daga keppni. Á sunnudeginum var hann 12 höggum á eftir sigurvegaranum Justin Rose.

Það má vel vera að Tiger eigi enn í vandræðum með leik sinn (vegna meiðsla en hann er nú frá keppni í mánuð vegna álagsverkja í olnboga) en utan vallar hefir lífið tekið breytingum til hins betra, eftir skilnaðinn frá Elínu Nordegren.

Sðgusagnir voru komnar á kreik þegar í ársbyrjun 2013 að Tiger væri í sambandi við skíðadrottninguna Lindsey Vonn og þau tvö staðfestu nokkrum mánuðum síðan að þau væru par. Vonn ræddi um samband sitt við einn vinsælasta íþróttamann heims (Tiger) í viðtali í  The New York Times. 

„Þegar ég er ein á ferð, tekur enginn eftir mér og ég get bara verið ég sjálf,“ sagði Vonn m.a í viðtalinu. „En hvenær sem hann er með, erum við eins og í fiskabúri.  Ég vissi í raun ekki hvað ég var að koma mér í. Það er skrítið. En það er bara eitthvað sem ég verð að taka á. Hann er í sínu starfi og ég í mínu. Við verðum bara að venjast þessu.“

Vonn er búin að ná langt sem íþróttamaður sjálf. Hún vann gull á vetrarólympíuleikunum 2010 og hefir haft yfirburði í íþróttagrein sinni s.l. áratug. Frægð hennar er samt engin á borð við Tiger og Vonn hefir átt í vandræðum með að lifa í skugga kærestans.

„Sumir gleyma því að ég er ekki bara kæresta Tiger,“ sagði Vonn. „Ég er virkilega íþróttamaður sem er að ná hámarksárangri. Ég er Lindsey. Ég á mína eigin karríeru og eigið líf.“

Vonn hefir líka þurft að taka ýmsu óþægilegu vegna þess að hún er í sambandi við Tiger. Í nýlegri grein í  Us Weekly sagði Nordegren að hún „hataði“ nýju kærestu fyrrum eiginmanns síns og aðrir hafa gagnrýnt Vonn fyrir að vera með manni sem hefir átt í mörgum ástarsamböndum.  Þrátt fyrir það reynir hin 28 ára Vonn að horfa framhjá því sem fólk segir um persónulegt líf sitt.

„Ég er enginn klaufi. Ég reyni að sjá ekki, en sé samt það sem fólk segir um mig á Facebook. Ég sé það sem aðrir skrifa. En mér er sama. Ég lærði af skilnaði mínum að hamingja mín er mér mikilvægust. Hún er allt sem ég hef stjórn á. Og í augnablikinu er ég hamingjusöm!“