Vitni hneykslað á Allenby

Kaddý, sem var vitni að rifrildi Robert Allenby og kaddýsins hnas á Opna kanadíska er hneykslaður á hvernig Allenby kom fram við kaddýinn sinn, Mike Middlemo

Kaddýinn Simon Clarke fylgdist með rifrildi Allenby og Middlemo á fimmtudaginn vegna þess að hann var að vinna fyrir annan kylfing í ráshópnum SJ Park. 

Allenby rak Middlemo síðan á 4. holu, sem var par-5 13. holan á Glen Abbey, en hinn 44 ára Allenby hélt því fram að hann og kaddý hans hefðu rifist um kylfuval í aðhöggi, sem var of stutt og lenti í á og leiddi til þrefalds skolla.

Clarke hefir að sögn þekkt Allenby í 2 áratugi og sagðist aðeins koma fram opinberleg vegna þess að hann vildi ekki að orðspor Middlemo biði á ósanngjarnan hátt hnekki.

„Ég myndi ekkert koma fram í fjölmiðlum ef hann (Allenby) væri ekki að ljúga fjölmiðla fulla,“ sagði Clarke við Reuters s.l. föstudag.

„Ég hef þekkt Rob (Allenby) í langan tíma og ég hef þekkt Mick (kylfubera Allenby) í langan tíma. Það veldur vonbrigðum að við 42 ára aldur eða á hvaða aldri sem hann (Allenby) nú er, þá sé hann enn að koma svona fram við fólk og hefir gert við marga kylfubera.“

„Það er sorglegt að hann talar við strákana svona og bíður ekki þar til eftir hringinn. Það veldur vonbrigðum að hann er enn við sama meingarðshornið.“

Clarke benti á að jafnvel þó kylfusveinar komi oft með tillögur að kylfuval, þá sé lokaákvörðunin kylfinganna sjálfra.

Hann sagði að Allenby hefði sagt að Middlemo „væri feitt [skammaryrði] og að sú athugasemd hefði hleypt illu blóði í kaddýinn.

„Mick [kylfuberinn]skoraði á Allenby að kalla sig þetta [skammaryrðið] aftur.  Það var mikið af adrenalíni og það var ekkert fagurt. Robert kallaði hann þetta ekki aftur vegna þess að hann var líklega ekki viss um hvað myndi gerast.“

Skv. Clarke voru hann og hinn kylfusveinninn beðnir um ráð af Middlemo eftir þessa uppákomu.

Þeir ráðlögðu Middelmo að klára hringinn í þögn.

„Það er dauðamars, sem engum líkar,“ sagði Clarke.

Allenby, eftir að hafa fengið annan þrefaldan skolla kláraði fyrri 9, sagði eitthvað við Middlemo þegar þeir gengu af flöt.

Clarke sagði að hann hefði ekki heyrt hvað Allenby sagði en hann sá að Middlemo tók svuntuna af sér og öskraði eitthvað að leikmanni sínum.

„Ef Rob (Allenby) væri að segja satt, væri ég ekki í fjölmiðlum,“ sagði kylfusveinninn Clarke. „En lygar eins og þær sem hann viðhefur hafa bara áhrif á feril Mick (Middlemo, fyrrum kylfusveins Allenby).“