Ragnheiður Jónsdóttir | febrúar. 23. 2013 | 21:45

Nýju stúlkurnar á LET 2013: Leigh Whittaker (9. grein af 43)

Það voru 42 stúlkur sem hlutu kortin sín á LET, þ.e. Evrópumótaröð kvenna á lokaúrtökumóti Q-school LET, m.ö.o. Lalla Aicha Tour School 2013, sem fram fór í Amelkis golfklúbbnum og Al Maaden golfstaðnum í Marrakech, Marokkó, dagana 13.-17. desember s.l.

Það voru 7 stúlkur sem deildu 36. og síðasta sætinu og rétt mörðu að komast inn á LET. Þær hafa allar verið kynntar en það voru þær:  Cheyenne Woods, hin þýska Ann-Kathrin Lindner, enski unglingurinn Charley Hull, hin sænska Rebecca Sörensen, hin tælenska Tanaporn Kongkiatkrai, hin skoska Vikki Laing og Babe Liu frá Tapei.

Eins þurfti einn kylfingurinn ekki í gegnum Q-school, frægðarhallarkylfingurinn kanadíski Lorie Kane, sem segja má að sé sú 43. sem hlaut keppnisrétt eða kortið sitt á LET, en hún hefir einnig verið kynnt.

Hér í kvöld verður byrjað að kynna þær 5 sem deildu 31. sætinu e á lokaúrtökumóti Q-school LET en það eru: Eva Bjarvall, Noora Tamminen, Nina Holleder, Helena Callahan og Leigh Whittaker.  Við byrjum á Leigh:

Fullt nafn: Leigh Whittaker.

Ríkisfang: þýsk. 

Fæðingardagur: 22. nóvember 1987 (25 ára).

Félagi í : St. Leon-Rot golfklúbbnum í Þýskalandi.

Gerðist atvinnumaður: 18. ágúst 2012.

Hæð: 1.74 m.

Háralitur: ljóshærð.

Augnlitur: blár.

Byrjaði í golfi: 4. júní 1998

Áhugamál: íþróttir almennt, útivera, lestur, vera með vinum.

Menntun: College of Charleston, Suður-Karólína, Bandaríkin.

Staða í Lalla Aicha Tour School 2013: T-31.