NGA: Ólafur Björn komst í gegnum niðurskurð á Lake Buena Vista mótinu!!!

Ólafur Björn Loftsson, NK og Alexander Gylfason, GR taka þátt í 7. móti NGA Pro Golf Tour – Bridgestone Winter Series.  Að þessu sinni er spilað í Disney – Lake Buena Vista, í Flórída. Mótið  stendur 11.-13. desember.  Þátttakendur eru 113 og aðeins 42 fóru í gegnum niðurskurð og fá að spila 3. og síðasta hring mótsins til fjár í dag.

Ólafur Björn komst í gegnum niðurskurð og fær því að spila lokahringinn í dag!!!!  Fyrri hringinn lék Ólafur Björn á glæsilegum  3 undir pari, 69 höggum, fékk 1 glæsiörn, 4 fugla, 10 pör og 3 skolla.  Eftir fyrri daginn var hann í 28. sæti. Í gær spilaði Ólafur Björn á 1 undir pari, 71 höggi, fékk 2 fugla, 15 pör og 1 skolla – leikið af öryggi og engir óþarfa sénsar teknir!!! Samtals spilaði Ólafur Björn á 4 undir pari, 140 höggum  (69 71) og deildi 35. sætinu með nokkrum öðrum.  Glæsilegt hjá Ólafi Birni!!!!

Alexander Gylfason

Alexander  bætti sig um 1 högg;  spilaði í gær á parinu, 72 höggum, fékk 3 fugla, 12 pör og 3 skolla. Samtals spilaði Alexander á 145 höggum (73 72) og komst því miður ekki í gegnum niðurskurð að þessu sinni. Spilamennska Alexanders hefir tekið miklum framförum og greinilegt að veran á mótunum í Flórída hefir haft góð áhrif. Það er eflaust bara tímaspursmál hvenær Alexander fer í gegn, en einungis munaði samtals 5 höggum á tveimur hringjum, þ.e. 2-3 högg á hring að Alexander tækist að ná niðurskurði.

Það væri óskandi að fleiri íslenskir kylfingar gætu spilað eins og strákarnir okkar hafa gert að undanförnu í Flórída, en þátttaka í mótunum og uppihald úti er mjög kostnaðarsamt.

Golf1 óskar Ólafi Birni góðs gengis í dag!!!

Til þess að sjá stöðuna á Disney – Lake Buena Vista mótinu eftir 2. dag SMELLIÐ HÉR: