Hver er kylfingurinn: Suzann Pettersen? (4. grein af 4)

Hér er komið að 4. og síðustu greininni um norska kylfinginn Suzann Pettersen. Tæpt verður á því helsta í ferli Suzann s.l. 2 ár:

2010

Suzann varð í 2. sæti 6 sinnum á LPGA Tour, árið 2010, en tókst ekki að landa sigri.

2011

Pettersen vann bug á 20 mánaða sigurleysi í maí 2011, þegar hún sigraði á Sybase Match Play Championship í,Hamilton Farm Golf Club í New Jersey. Hún spilaði í köldu, rigningarveðri og vann alla 6 leiki sína á 4 dögum og sigraði m.a. nr. 1 á heimslistanum, Yani Tseng í fjórðungsúrslitum og Cristie Kerr í úrslitaleiknum. Snemma í ágúst vann hún Ladies Irish Open á LET á samtals 18 undir pari, 198 höggum og átti 6 högg á næsta keppanda. Þetta var fyrsti sigur Pettersen á LET í 3 ár, síðasti sigur hennar var í sama móti þegar spilað var á Portmarnock Links. Tveimur vikum seinna sigraði Pettersen aftur á LPGA í Safeway Classic í Oregon. Hún náði að vinna upp 9 högg á lokahringnum; var á skori upp á 7 undir pari á lokahringnum, 64 höggum og knúði fram bráðabana við Na Yeon Choi, sem hún vann síðan á pari en NY sló boltann sinn í vatn og fékk skramba. Með sigri sínum komst hún í 2. sæti Rolex-heimslista kvenna og sat þar – aðeins Yani Tseng var henni fremri.

Suzann Pettersen í strandgolfi í Body Issue blaði SI, 2012.

2012

Snemma árs 2012 var Suzann í fréttunum vegna þess að hún slappaði af heima í Noregi yfir jólin, en „afslöppunin” fólst í heilmiklum skíðferðum og innanhústennis, en Suzann er oft mikið í fréttum fyrir heilsuræktina sem hún stundar, en hún þykir meðal þeirra kylfinga LPGA, sem eru í besta forminu. Einna helst hefir Suzann vakið athygli á sér það sem af er árs 2012 með því að koma nakin fram í ESPN Magazine the Body Issue í júlí s.l.

Suzann Pettersen 2012.

Hvað árangur á golfvellinum varðar þá deildi Suzann t.a.m. 12. sætinu í Mobile Bay LPGA Classic í apríl 2012. Hún leiddi á US Women´s Open risamótinu þegar mótið var hálfnað en lauk kepni T-9.

Þetta er búin að vera saga ársins, hún kemst í gegnum niðurskurð og er á topp-20 í flestum mótum, ofarlega á skortöflunni, en sigrar ekki – það sem af er (en 4 mánuður eru jú eftir og enn sjéns á sigri). Sem stendur er Suzann Pettersen í 6. sæti á Rolex-heimslistanum. Á undan henni á heimslistanum eru Yani Tseng (1.sæti); Stacey Lewis (2. sæti); Na Yeon Choi (3. sæti); Shashan Feng (4. sæti) og Ai Miyazato (5. sæti).

Heimild: Wikipedia