Ragnheiður Jónsdóttir | maí. 10. 2013 | 07:00

Vijay Sing í mál við PGA… en spilar eftir sem áður á The Players

Flestir sem unna golfi voru slegnir þegar fréttist að ein af fyrirmyndunum golfsins, Vijay Singh frá Fidji-eyjum hefði notað ólögleg efni, sem væru á bannlista PGA Tour, en hér er átt við hreindýrahornsspreyið margnefnda. Í kjölfarið var Singh dreginn niður í svaðið og upp úr háði sbr. t.d. meðfylgjandi mynd af kappanum:

Vijay Singh með hreindýrahorn

Vijay Singh með hreindýrahorn

Veltu menn fyrir sér framhaldinu og hvaða refsingu Vijay myndi fá í kjölfarið.

Í síðasta mánuði kom síðan niðurstaðan frá PGA Tour að Vijay Singh hefði ekki gerst brotlegur við vímuvarnaráætlun mótaraðarinnar.

Nú hefir Vijay höfðað mál fyrir dómi í NY gegn PGA Tour, vegna ærumeiðinga í sinn garð og vanhæfni PGA mótaraðarinnar að taka á máli sínu.

Þrátt fyrir málshöfðunina spilar Vijay á The Players, móti PGA mótaraðarinnar, en þar virðist anda köldu milli hans og áhorfenda, jafnt sem annarra leikmanna.

Vijay hefir m.a. verið líkt við hálfeyjugrínið fræga á TPC Sawgrass – hann virðist í dag sem eyland sem aðeins tengist PGA Tour með örlitlum strimli lands.

Þegar hann gekk t.a.m. að 1. teig mætti honum t.a.m. maður með „hreindýrahornshatt“ sem eru vinsælir minjagripir (sjá mynd hér að neðan):

Áhorfandi á The Players með „hreindýrahornshatt"

Áhorfandi á The Players með „hreindýrahornshatt“

Á 3. braut þurfti Vijay að hlusta á eineltissöngva á borð við „Stay away from the spray“ (Haltu þér frá (hreindýrahorns) spreyinu).

Vijay telur í málinu að ásakanir PGA Tour, um notkun hans á ólöglegum efnum, sem síðan áttu ekki við rök að styðjast hafi eyðilagt gott orðspor hans sem íþróttamanns, varpað rýrð á feril hans, auk þess sem hann hafi orðið fyrir allskyns óþægindum af völdum málsins sbr. ofangreint.

Vijay fer fram á bætur að álitum.

Eftir 1. dag The Players er hinn 50 ára Vijay í 99. sæti og óvíst hvort hann nái að komast í gegnum niðurskurð.