Ragnheiður Jónsdóttir | júní. 12. 2016 | 18:00

Viðtalið: Víðir Jóhannsson – GÞH

Viðtalið í dag er við kylfing, sem er mörgum að góðu kunnur, en það er eigandi Hellishóla í Fljótshlíðinni.

Fullt nafn:  Víðir Jóhannsson.

Klúbbur:   GÞH.

Hvar og hvenær fæddistu?  31. júlí 1956

Hvar ertu alinn upp?  Í Reykjavík.

Í hvaða starfi/námi ertu? Ég er málarameistari að mennt – en keypti Hellishóla f. 12 árum og er að byggja staðinn upp.

Hverjar eru fjölskylduaðstæður og spilar einhver í fjölskyldunni golf?  Ég er í sambúð með Joanna Grudzinska og það spilar helmingurinn af fjölskyldunni golf.

Hvenær byrjaðir þú í golfi?  Það eru 20 ár síðan, en ég spilaði þegar ég var 10-11 ára og sem unglingur.

Hvað varð til þess að þú byrjaðir í golfi?  Ég byrjaði bara á eiginn spýtur

Hvort líkar þér betur við skógar- eða strandvelli?  Skógar – þú þarft meira að nýta þekkingu þína og þetta er meira challenge.

Hvort líkar þér betur: holukeppni eða höggleikur?   Holukeppni – maður hefur meiri tækifæri eftir.

Hver er uppáhaldsgolfvöllur/vellir þinn/þínir á Íslandi?  Hellishólar – ástæðan: völlurinn er einn af fáum golfvöllum á Íslandi sem maður þarf virkilega að spá í hvar boltinn lendir og nota alla kylfurnar í pokanum.

Hefir þú spilað alla velli á Íslandi – Ef ekki nefna hversu marga af þeim 62 golfvöllum Íslands, þú hefur spilað á?  Flestalla – á eftir Vestfirði.

Hver er uppáhaldsgolfvöllur/vellir hvar sem er í heiminum (nema á Íslandi)? Buena Vista á Tenerife.

Hver er sérstæðasti golfvöllur, sem þú hefur spilað á? La Ramblas – hann refsar manni gríðarlega og er á mörkunum að vera golfvöllur.

Hvað ertu með í forgjöf?  4.

Hvert er lægsta skorið þitt í golfi og hvar/á hvaða velli náðir þú því? 69 á La Finca.

Hvert er helsta afrekið þitt til dagsins í dag í golfinu?   Hola í höggi – f. 2 árum á La Finca.

Spilar þú vetrargolf?   Ekki á Íslandi – erlendis í heitum löndum – uppáhaldsland: Thaíland Burapa.

Hvaða nesti ertu með í pokanum?  Ég er aldrei með neitt – kannski vatn.

Hefir þú tekið þátt í öðrum íþróttum?     Já, ég er Íslandsmeistari í júdó 15 ára – Íslandsmeistari í glímu 10 ára.

Hver er uppáhaldsmaturinn þinn?  Ribeye-steak. Uppáhaldsdrykkur? Vatn. Uppáhaldsbók? The Secret of Life – Þetta er bók sem svarar því af hverju þú getur þetta en ekki hinn – þú biður umheiminn um e-hv sem þig langar í – ef þig langar nógu mikið í það færðu það. Þetta er viðtalsbók við helstu fræðimenn í heimi af hverju velgengni og árangur sumra manna er meiri en annar. Uppáhaldstónslist? Kántrí – Pavarotti – Clyderman – Pop.  Uppáhaldskvikmynd? Avatar. Uppáhaldsgolfbók? Tiger Woods bókin.

Notarðu hanska, ef svo er hvaða? Já, ég nota þann, sem að passar mér hverju sinni.

Hver er uppáhaldskylfingurinn þinn nefndu 1 kvenkylfing og 1 karlkylfing?    Kk: Gary Player. Kvk: Laura Davies.

Hvert er draumahollið?  Ég og….. (nefna 3 fylla ráshópinn): Joanna, Tiger Woods and Laura Davies.

Hvað er í pokanum hjá þér og hver er uppáhaldskylfan þín? Allar kylfur eru uppáhalds en ég er með Taylormade trékylfur Ping járn og Scotty Cameron pútter sem ég er búinn að eiga í 20 ár.

Hefir þú verið hjá golfkennara?  Já. Viktor og Sigga Palla.

Hver er besti golfkennari á Íslandi? Siggi Palli.

Ertu hjátrúarfullur? Stundum – Farinn að byggja upp sjálfstraust ef illa gengur á golfvellinum. Hvernig? Fyrst og fremst með því að hugsa ekki um slæmu höggin.

Hvert er meginmarkmið í golfinu og í lífinu?  Að hafa gaman.

Hvað finnst þér best við golfið?  Útiveran og glíma við sjálfan sig.

Hversu há prósenta af golfinu hjá þér er andleg (í keppnum)?   60%

Kanntu einhverja skemmtilega sögu af þér á golfvellinum eða geturðu sagt frá einhverju vandræðalegu sem fyrir þig hefir komið í golfi?: Það er allt skemmtilegt við golf – jú kannski er ein saga. Ég spilaði spilaði eitt sinn golf í Skotlandi og við ákváðum eftir fótboltaleik  að fara að spila golf. Ég var í sparifötum og völlurinn lengst upp í sveit, en þetta var sveitavöllur. Ég var sem sagt flott klæddur og í frakka – Spyr hvort ég geti spilað golf – og þeir lána mér skrifstofu til að skipta um föt. Á 1. teig komu 30 til að horfa á mig, en þeir voru sannfærðir um að þarna væri einhver frægur á ferð –  Ég sagði við meðspilara mína að við skyldum bara leika þetta og sagði einum félaga mínum að ganga alltaf minnst 10 metrum á eftir mér og hann lenti svo að segja í hlutverki kaddýsins allan hringinn. Meðspilari minn hafði gaman af og labbaði alltaf 10 metra á eftir mér og rétti mér kylfurnar og áhorfendur sannfærðir að þarna færi einhver frægur kylfingur.  Á síðustu holu heyri ég að ein konan segir:  „This gentleman has somethig that we don´t have.”

Að lokum: Ertu með gott ráð sem þú getur gefið kylfingum? Hafa gaman – Njóta augnabliksins – því nafli alheimsins er það sem þú ert í dag.