Viðtalið: Rúnar Arnórsson, GK.
Um miðjan maí, þegar allt var að vakna til lífsins þetta herrans ár 2011 fór Golf 1 af stað með að taka viðtöl við íslenska kylfinga, þ.e. leggja fyrir þá nokkrar staðlaðar spurningar, með örlitlum frávikum í hvert sinn. Hér fer eitt af fyrstu viðtölunum, en viðmælandi er Rúnar Arnórsson, afrekskylfingur, í Golfklúbbnum Keili, í Hafnarfirði.
Fullt nafn: Rúnar Arnórsson
Klúbbur: Golfklúbburinn Keilir (GK), Hafnarfirði.
Hvar og hvenær fæddistu? Ég fæddist í Reykjavík, 11. júní 1992. Svo bjó ég fyrstu 3 árin í Danmörku.
Hvar varstu alinn upp? Í Hafnarfirði.
Fjölskylduaðstæður? Ég bý heima hjá foreldrum mínum. Ég á eina systur, Signýju og bróður sem er fluttur út.
Hvenær byrjaðir þú í golfi? 9-10 ára.
Hvað varð til þess að þú byrjaðir í golfi? Ég fann kylfur niðri í geymslu, sem bróðir minn átti en hann hafði farið á golfnámskeið. Ég fór með þær út í garð og fór að sveifla og síðan bara tók eitt við af öðru.
Hvað starfar þú? Ég er nemi í Flensborg.
Hvort finnst þér skemmtilegra að spila skógar- eða strandvöll? Skógarvöll.
Hvort líkar þér betur holukeppni eða höggleikur? Veit ekki alveg – höggleikur.
Uppáhaldsgolfvöllur/vellir á Íslandi? Hvaleyrin.
Uppáhaldsgolfvöllur/vellir hvar sem er í heiminum? Bled í Slóveníu. Hann er bara flottastur.
Hver er sérstæðasti golfvöllur sem þú hefir spilað á og af hverju? Bled í Slóveníu, af því að hann er uppi í hlíð í fjalli.
Hvað ertu með í forgjöf? 0,3
Hefir þú verið hjá golfkennara og ef svo er hverjum? Ég hef verið hjá Bjögga (Björgvini Sigurbergssyni) og Sigga Palla (Sigurpáli Geir Sveinssyni).
Hvert er lægsta skorið þitt í golfi og hvar/á hvaða velli náðir þú því? 67 á Costa Ballena og Leirunni og 66 í Vestmannayeyjum.
Hvert er helsta afrekið þitt til dagsins í dag í golfinu? Að vinna sveitakeppni fullorðna 16 ára fyrir 3 árum.
Hvaða nesti ertu yfirleitt með í pokanum? 2 samlokur 2 banana, einhverja orkustöng, kókómjólk og vatn.
Hefur þú tekið þátt í öðrum íþróttum? Já, handbolta og fótbolta.
Uppáhaldsmatur? Grænmetisbakan hennar mömmu.
Uppáhaldsdrykkur? Ísköld kókómjólk og vatn.
Uppáhaldstónlist? Ég er alæta á tónlist. Það fer bara eftir stað og stund.
Uppáhaldskvikmynd? Þær eru margar – það eru nokkrar sem mér finnst rosalega góðar, en sú sem kemur upp í hugann er Gladiator.
Uppáhaldskylfingur kvenkyns og karlkyns? Kvk: Signý Arnórsdóttir. Kk.: Lee Westwood, Tiger og Bjöggi (Björgvin Sigurbergsson).
Hver er uppáhaldskylfan þín? Það er 3-tréð og 3-járn-ið og svo pútterinn.
Af hverju eru þessar kylfur í uppáhaldi? Ég tel mig geta slegið ágæt högg með þeim og treysti á þær.
Hvað finnst þér best við golfið? Það er alltaf eitthvað nýtt og nýtt sem maður lendir í – Þetta er svo mikið andlegt sport – svo er það útveran og það að öll fjölskyldan getur verið í þessari íþrótt saman, en pabbi og mamma fylgja okkur Signýju oft á vellinum.
Hvað er í pokanum hjá þér? Nike Dræver; Sasquash 3tré og (5 tré), járn: 3-PW Victory Red Combo, Victory Red wedgar og Titleist Scotty Camron pútter.
Að lokum: Hver eru helstu markmið þín í golfinu? Þau eru óráðin – Ég hef mín markmið, en kýs að halda þeim fyrir mig.
- maí. 23. 2022 | 22:00 PGA Championship 2022: Justin Thomas sigraði!!!
- maí. 15. 2022 | 18:00 Evróputúrinn: Horsefield sigraði á Soudal Open
- maí. 15. 2022 | 16:00 Afmæliskylfingur dagsins: Ken Venturi ——– 15. maí 2022
- maí. 14. 2022 | 20:00 Golfgrín á laugardegi (20/2022)
- maí. 14. 2022 | 16:00 Afmæliskylfingar dagsins: Hafsteinn Baldursson og Shaun Norris – 14. maí 2022
- maí. 13. 2022 | 16:00 Afmæliskylfingur dagsins: Finnur Sturluson – 13. maí 2022
- maí. 12. 2022 | 16:00 Afmæliskylfingur dagsins: Birgir Björn Magnússon – 12. maí 2022
- maí. 11. 2022 | 16:00 Afmæliskylfingur dagsins: Hólmfríður Lillý Ómarsdóttir – 11. maí 2022
- maí. 10. 2022 | 16:00 Afmæliskylfingur dagsins: Gunnar Jóhannsson og Mike Souchak – 10. maí 2022
- maí. 9. 2022 | 16:00 Afmæliskylfingur dagsins: Ingibjörg Sunna Friðriksdóttir – 9. maí 2022
- maí. 8. 2022 | 16:00 Afmæliskylfingur dagsins: Jens Gud ———-– 8. maí 2022
- maí. 8. 2022 | 01:00 PGA: Keegan Bradley efstur f. lokahring Wells Fargo
- maí. 8. 2022 | 00:01 LET: Ana Pelaez í forystu f. lokahring Madrid Open
- maí. 7. 2022 | 20:00 Golfgrín á laugardegi (19/2022)
- maí. 7. 2022 | 16:00 Afmæliskylfingur dagsins: Brenden Pappas – 7. maí 2022