Velkomin Zoe Olivia Mahan

Zoe Olivia Mahan fæddist kl. 3:26 að staðartíma í gær (þ.e. rétt fyrir miðnætti á laugardaginn s.l. að okkar tíma).

Hún er fyrsta barn Golf Boys-ins og nr. 22 á heimslistanum, Hunter Mahan og konu hans Kandi.

Fæðing barnsins vakti mikla athygli því Mahan dró sig úr RBC Canadian Open mótinu eftir að hafa verið í 1. sæti þegar mótið var hálfnað eftir að hann fékk símhringingu þar sem honum var sagt frá því að kona hans, Kandi, væri komin með hríðir. Sjá má myndskeið þar sem Mahan fær símhringinguna frægu þegar hann er á æfingasvæði Glen Abbey, í Ontario, Kanada, þar sem RBC Canadian Open fór fram  SMELLIÐ HÉR: 

Á sunnudaginn tilkynnti Mahan um fæðingu dóttur sinnar í gegnum twitter. Fyrsta tvítið var á þessa leið: „Þvílíkur hvirfilvindsdagur, en ég er hamingjusamur að tilkynna fæðingu dóttur minnar Zoe Olivia kl. 03:26. Takk fyrir stuðninginn!“

Á eftir kom annað tvít sem var eftirfarandi: „Bæði barni og móður heilsast vel. Þakkir til styrktaraðila minna sem gera sér grein fyrir hvað er mikilvægt í lífinu og áhangendunum fyrir að vera frábærir!“