Van Horn Cup hafið

Van Horn Cup hófst fyrir hálftíma og sendi Ragnheiður Sigurðardóttir, móðir Sigurðar Arnars Garðarssonar, meðfylgjandi mynd og frétt:

„Van Horn Cup hófst í morgun kl 7:00 með morgunverði fyrir keppendur og kaddýa. Síðan voru liðin kynnt þ.e Evrópuliðið á móti „The rest of the world“, (þ.e Heimsliðinu).
Íslensku keppendurnir sem komust áfram eru 3: Sigurður Arnar, Arnór og Ólöf.
Keppnin er með því móti að tveir frá The rest of the world keppa á móti 2 frá Evrópu í sama aldurshópi. Þetta er höggleikur, 18 holur en betra skor á holu er það sem gildir.
Í lokin kemur í ljós hvort að The rest of the world nær að halda titlinum en það lið vann í fyrra og spila Íslendingarnir fyrir það lið.“