Valdís Þóra Jónsdóttir, GL. Mynd: Golf 1
Ragnheiður Jónsdóttir | desember. 7. 2013 | 17:10

Valdís Þóra bætti sig um 5 högg á 3. hring!

Valdís Þóra Jónsdóttir, GL, tekur þátt í úrtökumóti fyrir sæti á Evrópumótaröð kvenna, LET (Ladies European Tour).

Úrtökumótið fer fram á Royal Golf Dar Es Salam vellinum í Rabat, Marokkó.

Í dag var 3. hringurinn leikinn og bætti Valdís Þóra sig um 5 högg frá því í gær og lék besta hring sinn í mótinu til þessa, þ.e. var  á 3 yfir pari, 76 höggum, á hring þar sem hún fékk 3 fugla og 6 skolla.

Samtals er Valdís Þóra búin að leika á 16 yfir pari, 235 höggum (78 81 76).

Eftir 3 leikna hringi er Valdís Þóra í 18. sæti og langt því frá örugg áfram. Hún verður að eiga góðan hring á morgun, því adrenalínið verið örugglega á fullri keyrslu hjá öllum samkeppendum Valdísar Þóru á morgun og við eigum örugglega eftir að sjá lág skor og þá eru hlutir fljótir að breytast.

Sem stendur er Valdís Þóra þó ein í 18. sæti, en hættulega nálægt niðurskurðarlínunni en aðeins u.þ.b. 20 efstu í mótinu halda áfram á lokaúrtökumótið og þar sem við viljum öll sjá Valdísi Þóru!!!

Efst í mótinu er þýski kylfingurinn Caroline Lampert á samtals sléttu pari, 219 höggum (78 69 72) en þess ber að geta að hún var á sama skori og Valdís Þóra fyrsta hringinn!

Við á Golf 1 sendum Valdísi Þóru bestu óskir um gott gengi á morgun!

Til þess að sjá stöðuna eftir 3. dag Lalla Aicha úrtökumótsins fyrir LET í Marokkó SMELLIÐ HÉR: