Valdís Þóra aðeins 1 sæti frá 100% þátttökurétti á LET

Valdís Þóra Jónsdóttir, atvinnukylfingur úr Leyni á Akranesi, endaði í 50. sæti á lokamóti LET Evrópumótaraðarinnar, Magical Kenya Ladies Open .

Hún lék hringina fjóra á +8 samtals (76-74-69-77).

Sjá má lokastöðuna með því að SMELLA HÉR: 

Valdís Þóra endaði í 71. sæti stigalista LET Evrópumótaraðarinnar. Hún var aðeins einu sæti frá því að tryggja sér 100% þátttökurétt á LET Evrópumótaröðinni á næsta tímabili.

Valdís Þóra getur lagað stöðu sína með því að taka þátt á úrtökumótinu fyrir LET Evrópumótaröðina sem fram fer í janúar – en ekki liggur fyrir á þessari stundu hvort hún velji að fara þá leið.

Niðurstaðan er eins og áður segir 71. sætið og það þýðir að Valdís Þóra er með tamarkaðan keppnisrétt á LET Evrópumótaröðinni.

Samt sem áður er allar líkur á því að Valdís Þóra komist inn á mörg mót á LET Evrópumótaröðinni þar sem hún endaði í 71. sæti stigalistans 2019.

Mótið fór fram í Keníu í Afríku og var það 16. mótið hjá Valdísi Þóru á sterkustu atvinnumótaröð Evrópu í kvennaflokki.

Hún hefur komist í gegnum niðurskurðinn á 9 mótum af alls 16.

Besti árangur hennar er 5. sætið á þessu tímabili.

Texti: GSÍ

Í aðalmyndaglugga: Valdís Þóra Jónsdóttir. Mynd:  Arnaldur Halldórsson. Warner Bros Inc. 2019.