Ragnheiður Jónsdóttir | september. 2. 2014 | 23:29

Val Tom Watson

Tom Watson tilkynnti nú rétt í þessu hvaða kylfingar væru val hans, sem fyrirliða Ryder bikars liðs Bandaríkjanna í lið sitt.

Kylfingarnir sem Watson valdi eru Keegan Bradley, Hunter Mahan og Webb Simpson.

Watson sagðist m.a velja Bradley vegna högglengdar hans, ástríðu og þess að hann spilar vel í liðstvennd með Phil Mickelson.  Bradley sagði að hann hefði skilið ef Watson hefði ekki valið hann vegna þess að svo margir frábærir bandarískir kylfingar eru nú í framboði.  En eftir að Watson hefði hringt hefðu mánuðir, ár af áhyggjum verið létt af sér.  Bradley er nr. 23 á heimslistanum.

Watson nefndi næst Hunter Mahan.  Watson sagði Mahan einstaklega góðan í holukeppni.  Hann sagði Mahan ekki bara þekkja völlinn heldur líka mótherja sinn.  Eins sagði Watson Mahan slá boltann vel og vera þann leikmann, sem er bestur í GÍR (þ.e. að vera inni á flöt í tilætluðum höggafjölda).  Mahan sagðist hafa verið taugaóstyrkur, því það væru svo mikið af góðum bandarískum kylfingum.  Mahan sagði að miklum þunga hefði verið lyft af öxlum sér og sér hefði fundist hann loks getað andað og sofið aftur eftir að honum var tilkynnt að hann væri í liðinu.

Loks nefndi Watson, Webb Simpson. Watson sagðist hafa valið hann eftir að hann leit á tölfræði frá Ryder bikars keppninni 2012.  Eins hefði Simpson hæfileikann til þess að ná mjög lágum skorum. Simpson sagði að símatalið frá Watson hefði verið eitt það besta, sem hann hefði fengið.

Lið Bandaríkjanna mætir liði Evrópu á Centenary vellinum í Gleneagles, Skotlandi nú síðar í mánuðnum, nánar tiltekið 23.-28. september.

Lið Evrópu er skipað eftirfarandi kylfingum:

Rory McIlroy

Henrik Stenson

Victor Dubuisson

Jamie Donaldsson

Sergio Garcia

Justin Rose

Thomas Björn

Martin Kaymer

Graeme McDowell

Stephen Gallacher

Ian Poulter

Lee Westwood

Lið Bandaríkjanna er skipað eftirfarandi leikmönnum:

Bubba Watson

Rickie Fowler

Jim Furyk

Jimmy Walker

Phil Mickelson

Matt Kuchar

Jordan Spieth

Patrick Reed

Zach Jonson

Keegan Bradley

Hunter Mahan

Webb Simpson