Úrtökumót f. Evróputúrinn: Ólafur úr leik

Ólafur Björn Loftsson, GKG, tók þátt í einu af 1. stigs úrtökumótunum fyrir Evróputúrinn; sá eini af íslensku kylfingunum sem keppti í Hardelot, Frakklandi. Mótið fór fram 9.-12. október og lauk því í gær.

Ólafur Björn lék lokahringinn á 2 yfir pari og lauk keppni á samtals á 2 yfir pari, 286 höggum  (69 70 74 73).

Það voru 118 sem hófu keppni og 24 efstu kylfingarnir, sem fengu að halda áfram á 2. stigs úrtökumót.

Ólafur Björn lauk keppni T-45 og er því úr leik.

Sigurvegari í úrtökumótinu í Hardelot var Skotinn Sam Locke, en hann lék á samtals 12 undir pari.

Alls reyndu 10 íslenskir kylfingar fyrir sér á 1. stigs úrtökumótum fyrir Evróputúrinn og komust 4 þeirra (Andri Þór Björnsson, GR; Bjarki Pétursson, GKB; Haraldur Franklín Magnús, GR og Rúnar Arnórsson, GK, áfram á 2. stigið og munu keppa þar ásamt 5. íslenska kylfingnum, Guðmundur Ágústi Kristjánssyni, GR, um réttinn til að spila á lokaúrtökumótinu, þar sem ræðst hverjir hljóta kortin eftirsóttu og þar með keppnisrétt á Evróputúrnum, keppnis-tímabilið 2020.