Úrtökumót f. Evróputúrinn: Andri Þór fór g. niðurskurð á 3. degi!

Atvinnukylfingarnir Andri Þór Björnsson, GR og Guðmundur Ágúst Kristjánsson, GR, léku í dag 3. hring á á úrtökumóti fyrir Evrópumótaröðina í golfi á Frilford Heath vellinum á Englandi.

Andri Þór er samtals búinn að spila á 5 yfir pari, 221 höggi (72 75 74)  og er T-53.

Guðmundur Kristján er hins vegar úr leik á 15 yfir pari, 231 höggi (72 79 80) og er T-84, en skorið var niður eftir 3. dag.

Aðeins Andri Þór fær því að spila 4. hringinn og verður að eiga gríðarlega góðan hring ætli hann sér meðal efstu 20.

Þetta er í annað sinn sem Andri Þór og Guðmundur Kristján reyna fyrir sér á úrtökumótinu og þeir komust báðir í gegnum 1. stigið í fyrra.

Um 700 keppendur taka þátt á 1. stigi úrtökumótsins en keppt er á 8 völlum í haust og komast um 25% af keppendum á hverju velli fyrir sig áfram á 2. stigið.

Sjá má stöðuna á Frillford Heath úrtökumótinu með því að SMELLA HÉR: