Úrslit á Íslandsmóti golfklúbba í fl. 19-21 árs: Sameiginlegt lið GO&GS sigraði!

Íslandsmót golfklúbba 2022 í flokki 19-21 árs fór fram á Kirkjubólsvelli hjá Golfklúbbi Sandgerðis dagana 2.-4 september. Þetta er í fyrsta sinn sem keppt er í þessum aldursflokki á Íslandsmóti golfklúbba.

Alls tóku 9 lið þátt. Á fyrsta keppnisdegi var leikin höggleikur og röðuðust liðin í riðla eftir árangri í höggleiknum. Leikið var í þremur þriggja liða riðlum. Efstu liðin úr A og B riðli léku um Íslandsmeistaratitilinn, liðin í 2. sæti í A og B riðli léku um bronsverðlaunin og liðin í 3. sæti í A og B leika um 5. sætið.

Sameiginlegt lið GS og GO stóð uppi sem sigurvegari eftir að hafa lagt GM í úrslitum 2,5 – 0,5.
GR varð i þriðja sæti eftir sigur gegn GK 1 í leiknum um bronsverðlaunin.