Birgir Björn Magnússon, GK. Photo: Golf 1.
Ragnheiður Jónsdóttir | júlí. 21. 2012 | 21:45

Unglingamótaröð Arion banka (4): Guðrún Brá, Ragnar Már, Birgir Björn, Ragnhildur, Henning Darri og Saga í forystu eftir 2. hring

Keppendur á Íslandsmótinu í höggleik unglinga tóku daginn snemma en byrjað var að ræsa út kl 6:00 í morgun en ákveðið var að flýta ræsingu vegna veður útlits. Slæma veðrið hefur látið bíða eftir sér og léku því kylfingar í frábæru veðri í morgun. Þegar leið á daginn þá fór veður versnandi en með því að færa ræsinguna frá náðu flestir keppendur að klára í sómasamlegu veðri, lokahollin í flokki dengja 15-16 ára fengu þó að kljást við veðrið undir lokin.

Í stúlknaflokki 17-18 ára leiðir Guðrún Brá Björgvinsdóttir GK en hún lék á 76 höggum í dag eða 5 höggum yfir pari, Guðrún Brá hefur því leikið hringina tvo á 145 höggum eða 3 yfir pari. Önnur er Anna Sólveig Snorradóttir GK á 148 höggum eða 6 yfir pari, í þriðja sæti er Guðrún Pétursdóttir GR á 149 höggum eða 7 yfir pari. Þriðji og loka hringurinn verður leikinn á morgun.

Í piltaflokki 17-18 ára er það Ragnar Már Garðarsson GKG sem hefur forystu, hann lék í dag á 71 höggi eða á pari vallarins, Ragnar Már er samtals á 145 höggum, hann leiðir með 3 höggum.  Í öðru sæti er Bjarki Pétursson GB, hann lék í dag á 71 eða á pari í þriðja sæti er Benedikt Árni Harðarson GK, hann lék í dag á 76 höggum.

Í telpnaflokki leiðir Ragnhildur Kristinsdóttir GR og hefur hún 6  högga forskot á Söru Margréti Hinriksdóttur GK sem er önnur. Í þriðja sæti er Birta Dís Jónsdóttir frá Golfklúbbnum Hamri Dalvík.

Í drengjaflokki er það Birgir Björn Magnússon GK forystu, hann lék í dag á 70 höggum eða 1 höggi undir pari, vel gert hjá þessu unga og efnilega kylfingi en hann lék síðustu holurnar við erfiðar aðstæður í rigningu  og roki. Í öðru sæti er Gísli Sveinbergsson GK og í þriðja sæti er Elís Rúnar Elísson GKJ.

Hjá stelpum 14 ára og yngri leiðir Saga Traustadóttir GR á 163 höggum eftir tvo leikna hringi, í öðru sæti einnig úr Golfklúbbi Reykjavíkur Eva Karen Björnsdóttir og í þriðja sæti er Þóra Kristín Ragnarsdóttir GK.

Í flokki stráka 14 ára og yngri er það Henning Darri Þórðarson GK sem leiðin, Henning lék í dag á 78 höggum.  í öðru sæti er Hvergerðingurinn ungi Fannar Ingi Steingrímsson GHG hann lék í dag á 76 höggum, í þriðja sæti er Arnór Snær Guðmundsson, Golfklúbbnum Hamri Dalvík.

Á morgun verður ræst út frá kl 7:30 og er áætlað að Íslandsmeistarar í flokkum 17-18 ára pila og stúlkna ásamt telpum 15-16 ára  verði krýndir um          kl.14:30. Í öðrum flokkum fer krýning fram um kl.19:00.

Stúlkur 17-18 ára.

1. sæti  Guðrún Brá Björgvinsdóttir GK 69/ 76/ 145

2. sæti  Anna Sólveig Snorradóttir GK, 73/ 75/ 148

3. sæti  Guðrún Pétursdóttir GR 73/ 76/ 149

Piltar 17-18 ára

1. sæti  Ragnar Már Garðarsson, GKG 74/ 71/ 145

2. sæti  Bjarki Pétursson, GB 78/ 71/ 149

3. sæti  Benedikt Árni Harðarson, GK 73/ 76 / 149

Telpur 15-6 ára

1. sæti  Ragnhildur Kristinsdóttir GR      77 / 78/ 155

2. sæti  Sara Margrét Hinriksdóttir GK, 81/ 80/ 161

3. sæti  Birta Dís Jónsdóttir GHD, 82 / 83/ 165

Drengir 15-16 ára.

1. sæti  Birgir Björn Magnússon GK, 73/ 70/ 143

2. sæti  Gísli Sveinbergsson GK, 73/ 71/ 144

3. sæti  Elís Rúnar Elísson GKJ/ 70/ 79/ 149

Stelpur 14 ára og yngri

1. sæti  Saga Traustadóttir GR, 85/ 78/ 163

2. sæti Eva Karen Björnsdóttir GR, 84/ 85/ 169

3. sæti  Þóra Kristín Ragnarsdóttir GK, 86/ 86/ 172

Strákar 14 ára og yngri

1. sæti  Henning Darri Þórðarson GK, 70/ 78/ 148

2. sæti Fannar Ingi Steingrímsson GHG, 75/ 76/ 151

3. sæti Arnór Snær Guðmundsson GHD, 80/ 73/ 153

Heimild: golf.is