Um 460 manns spila golf í 3 opnum mótum í dag – flestir 210 í 1. maí mótinu á Hellu

Í dag er dagur Verkalýðsins og markar dagurinn og þátttaka í 1. maí mótinu á Hellu upphaf golfsumarsins hjá mörgum.

Það eru 210 skráðir í mótið að þessu sinni og verður ræst út frá kl. 6:50 – 16:40 eða í 10 tíma nær samfellt.

Mótið hefir verið haldið frá árinu 1982 og sigraði Magnús Jónsson, GS fyrstu þrjú skiptin. Flest hafa 280 manns verið skráðir til leiks í mótinu.

Leikformið, nú sem fyrr,  er höggleikur með og án forgjafar.

—————-

Annað stórt mót í dag er Opna 1. maí mót GKJ og eru 196 manns skráðir í það og í Þorlákshöfn fer Opna Humarmótið fram og eru 58 skráðir í það.

Loks eru Hvergerðingar með innanfélagsmót: Jaxlamót Steingríms og taka 9 kylfingar þátt í því.

Opna 1. maí móti GSG var aflýst.