Trump hefir verið í golfi 5. hvern dag frá því hann settist í embætti Bandaríkjaforseta

Forsetaframbjóðandinn Donald Trump var ákveðinn í að áhugamál hans myndu ekki standa í vegi fyrir því að gera Bandaríkin að nýju stórkostleg.

„Vegna þess að ég mun vera að vinna fyrir ykkur mun ég ekki hafa tíma til að spila golf. Trúið mér,“ sagði hann stuðningsmönnum sínum í Virginíu í ágúst 2016.

Bandaríkjaforsetinn Trump, lítur hins vegar öðruvísi á málin að því er virðist.

Nýleg greining NBC sjónvarpsstöðvarinnar gefur til kynna að Trump hefir varið 35 dögum í golfklúbbum í eigu sinni þá 164 sem hann hefir setið í Hvíta Húsinu – það er um 21% af dögum sem hann hefir varið á forsetastóli.

Þetta hafa allt verið golfvellir, sem eru í eigu Trump, hvort heldur í Flórída að vetri til eða nú nýlega í New Jersey.

Þessi helgi var ekkert öðruvísi; forsetahjónin vörðu sl. helgi í golfklúbbi Trump í Bedminster, New Jersey, en hafa nú snúið aftur til Washington til að taka þátt í hátíðahöldum á morgun á þjóðhátíðardegi Bandaríkjanna, 4. júlí.

Og þrátt fyrir að Hvíta Húsið hafi forðast að veita upplýsingar um hvort forsetinn sé að spila golf í heimsóknum sínum og haldi blaðamönnum frá upphafsteigum þar sem Trump spilar, þá hafa næg vídeó og ljósmyndir birtst á félagsmiðlunum, sem sýna að í heimsóknum sínum spilar Trump golf.

Sem er s.s. gott og vel – en sýnir vel hræsni hans og að hann unir andstæðingum sínum s.s. Obama ekki hins sama en hann var linnulaus í gagnrýni sinni á hann.

Vestra er þegar farið að tala um Trump sem hinn nýja „golfaholic-in-chief.“

Obama, sem sætti sleitulausri gagnrýni fyrir golfleik sinn spilaði golf 333 sinnum á 2 árum í embætti skv. CBS News. Það er tæplega 1 sinni 9. hvern dag.

Og golfleikur hans leiddi jafnvel til þess að repúblíkanar töluðu um að hann væri ekki að taka ábyrgð sína alvarlega – allt frá bandarískum fórnarlömbum í Afghanistan til Ebola sýkinga í Afríku.

Þeirra fremstur í flokki var billjónera fasteignamógull, sem duglegur var á Twitter ….. Trump.

Sem forsetaframbjóðandi sagðist hann munu verða of upptekinn til að geta heimsótt jafnvel eigin golfklúbba.

„Ég held að ég hafi jafnvel ekki séð marga af þeims (golf) stöðum sem ég á,“ sagði hann í New Hampshire þegar hann gagnrýndi golfleik Obama. „Ég held að ég muni ekki sjá neitt, ég vil bara vera í Hvíta Húsinu og vinna af mér bakhlutann til þess að ná góðum dílum.“

Starfsmenn Trump hafa stungið upp á að Trump sé að nota golf sem hluta af diplómasíu.

Þegar Shinzo Abe, japanski forsætisráðherrann var í heimsókn sl. mars lék hann 18 holur með Trump og Ernie Els.

Talsmaður Trump, Sean Spicer,  sagði síðar: „Þið sáuð hann (Trump) nota tíma sinn til þess að ná dýpri tenglsum við Aslíu og hafa vaxandi samband sem munu hjálpa hagsmunum Bandaríkjunna. Hvernig á að nota golf er nokkuð sem hann hefir tjáð sig um.“