Tiger Woods snýr aftur til keppni í næstu viku!!!

Hvíld og endurhæfingu nr. 4 á heimslistanum Tiger Woods eftir bakuppskurðinn er nú lokið.

Í tilkynningu Tiger sagði að hann muni taka þátt í  Quicken Loans National, móti sem hann er gestgjafi á, í Congressional Country Club í Bethesda, Maryland.

Tiger birti tilkynninguna á Facebook síðu sinni síðdegis í dag, tveimur tímum áður en lokað var fyrir skráningu í mótið.

„Eftir mikla endurhæfingu hef náð mér vel og mun styrkja stofnun mína í næstu viku á Quicken Loans Nattional,“skrifaði hann. „Ég er nýbyrjaður að taka fulla sveiflu, en það er kominn tími til að taka næsta skrefið. Ég mun vera svolítið ryðgaður en ég vil leika mig aftur í keppnishæft form. Ég er spenntur fyrir áskoruninni sem framundan er.“

Tiger tíar nú upp aftur 12 vikum eftir að hann gekkst undir uppskurð í baki, en síðasta mót sem hann tók þátt í var WGC Cadillac Championship sl. mars. Þessi endurkoma hans er e.t.v. aðeins of fljót miðað við dagskrá sem baksérfræðingar eru yfirleitt með fyrir sjúklinga sína, en þeir segja að flestir taki sér á allt að 1 mánuði lengri tíma í hvíld og endurhæfingu en Tiger.

Nema að bakmeiðsl Tiger taki sig upp þá þýðir þetta að hann verður með á Opna berska í Royal Liverpool í næsta mánuði.  Hann hampaði Claret Jug síðast þar 2006.   Spurning hvort Haraldur Franklín verði þar með honum en 12,5% líkur eru á þvi! á þessari stundu!!