Tiger Woods kominn í 17. sætið á heimslistanum

Tiger Woods getur brosað breitt þrátt fyrir vonbrigði í Abu Dhabi í gær. Fyrir rúmum mánuði síðan var hann ekki einu sinni meðal efstu 50 á heimslistanum en hefir heldur betur hækkað sig, farið upp um 33. sæti m.a. vegna sigurs í Chevron mótinu, en einnig vegna góðs gengis (3. sætið) á Abu Dhabi HSBC Golf Championship. Nú er hann kominn í 17. sætið á heimslistanum og allt er upp á við hjá kappanum.

Robert Rock, sem var í 117. sæti heimslistans fer bratt upp á við á heimslistanum er nú kominn í 55. sætið og aðeins örfáum sætum frá því að vinna sér þátttökurétt á Masters.

Brandt Snedeker fer vegna sigurs síns á Farmers Insurance Open úr 33. sætinu upp í 15. sætið á heimslistanum og sá sem missti sigurtækifærið svo sorglega úr höndum sér, Kyle Stanley getur huggað sig við að hann hækkar úr 150. sætinu í 87. sætið, sem er hækkun um 63 sæti fyrir utan það að vera nú kominn meðal 100 bestu kylfinga heims!

Staða efstu 10 kylfinga er annars þessi:

1. sæti Luke Donald

2. sæti Rory McIlroy

3. sæti Lee Westwood

4. sæti Martin Kaymer

5. sæti Steve Stricker

6. sæti Webb Simpson

7. sæti Adam Scott

8. sæti Charl Schwartzel

9. sæti Dustin Johnson

10. sæti Jason Day

11. sæti Graeme McDowell (hækkar sig úr 13 sætinu og bankar á dyrnar á topp-10!)

Skoða má heimslistann í heild með því að smella HÉR: HEIMSLISTINN – BESTU KYLFINGAR HEIMS – 4. VIKA 2012