Tiger tékkar á mótsstað Opna bandaríska í ár – Chambers Bay

Mike Davis hjá bandaríska golfsambandinu sagði nýlega að kylfingar þyrftu aukaæfingahringi á Chambers Bay til þess að vera nægilega undirbúnir til keppni, en Opna bandaríska fer fram á vellinum 18. júní n.k.

Chambers Bay er í Washington ríki, nálægt Tacoma við Puget sund og er talinn besti golfvöllur ríkisins – Sjá má heimasíðu vallarins með því að SMELLA HÉR: 

Einn af þeim sem virðist hafa tekið mark á Davis er Tiger Woods.

Einkaflugvél hans sást á flugvellinum við völlinn og sagt var að Tiger væri að ganga völlinn og kynna sér aðstæður, jafnframt því að taka æfingahringi.

Í síðustu viku sást til Phil Mickelson, sem var þar í sömu erindagjörðum.

Nú er bara að bíða og sjá hvort undirbúningur Tiger í ár færir honum 15. risatitilinn?