Ragnheiður Jónsdóttir | mars. 31. 2016 | 09:00

Tiger staðfesti þátttöku í PGA Tour móti

Tiger Woods staðfesti loks að hann myndi taka þátt í PGA Tour móti.

Því miður fyrir áhangendur hans fer mótið sem hann ætlar að taka þátt í fram 2017 og enn eru engar fréttir af því hvort hann muni keppa á Augusta National í næstu viku.

PGA Tour hefir  tilnefnt Tiger Woods Foundation sem gestgjafa móts á Riviera CC í  Los Angeles. Woods ólst upp þar rétt hjá og stofnun hans er einnig þar rétt hjá, í Irvine.

Þetta er frábært tækifæri fyrir stofnun mína,“ sagði Tiger á vefsíðu stofnunar sinnar. „Þetta var fyrsta PGA Tour mótið sem ég spilaði í og það skiptir mig miklu að styrkja samfélagið, sem hefir stutt mig og stofnun mína í meira en 20 ár. Ég  hef skuldbundið mig til að spila í mótum stofnunar minnar og það verður spennandi að snúa aftur á Riviera.“

Tiger keppti síðast á Wyndham Championship fyrir meira en 7 mánuðum síðan. Hann hefir undirgengist tvo bakuppskurði síðan þá. Eftir að hafa setið næstum allan 1. áratug 21. aldar í 1. sæti heimslistans þá er Tiger nú dottinn niður í 458. sætið.

Í febrúar lét Tiger frá sér fara vídeó af sjálfum sér sveiflandi kylfu í golfhermi. Fyrr í mánuðnum lét hann frá sér fara langa skýrslu um framfarir sínar á vefsíðu sinni.

Eins og ég tilkynnti í síðustu viku þá líður mér miklu betur,“ skrifaði hann á TigerWoods.com.  „Ég hef verið að chippa og pútta heima, og nú nýlega hóf ég að slá með 9 járni.  Það hefir verið svo fínt.“