Tiger m/ 5 mismunandi lyf í sér v. handtöku v. meints ölvunaraksturs

Þegar Tiger Woods var handtekin í maí s.l. vegna gruns um ölvunaraksturs þá var hann með 5 mismunandi lyf í kerfinu, skv. eiturfenaskýrslu sem var birt af sýslumannsembætti Palm Beach (ens. Palm Beach County Sheriff’s Office) í þessari viku.

CNN birti skýrsluna og þar sést að eftirfarandi lyfjakokkteill hafi fundist í þvagi Tiger:

THC, virka efnið í marijuana

Verkjalyfin hydrocodone og hydromorphone, þekkt undir vörumerkjunum Vicodin og Dilaudid
Svefnlyfið  zolpidem, selt undir heitinu Ambien
Lyf gegn streitu alprazolam (þekkt undir heitinu Xanax).

Ef alprazolam er tekið inn saman með hydrocodone og hydromorphone þá getur það haft alvarlegar hliðarverkanir, s.s. svima, ofurþreytu og það hægist á öndun skv. skýrslu CNN.

Í fréttatilkynningu í gær, mánudaginnn 14. ágúst, sagði Tiger, 41 árs að hann hefði verið að taka inn lyf sjálfur til þess að vinna á „bakverkjum og óreglu á svefni,“ en hann hefði síðan þá leitað til fagmanna til þess að koma lyfjainntöku sinni undir eftirlit.

„Ég geri mér grein fyrir því nú að það voru mistök að taka inn þessi lyf án faglegrar aðstoðar. Ég held áfram að vinna með læknum mínum og þeim finnst mér hafa farið fram. Ég er enn þakklátur fyrir þann ótrúlega stuðning sem ég hlýt og það að fjölskylda og vinir eru að hjálpa mér.„

Snemma dags, 29. maí fann lögreglan í Jupiter, Flórída Tiger sofandi bakvið stýrið á Mercedes-Benz sinni. Hann hafði stövað bíl sinn á hægri akrein og hafði stöðvunarljósið og hægra stefnuljósið á, skv. handtökuskýslu. Bíllinn var einnig með sprungið á tveimur og með rispur eins og eftir árekstur.

Á upptöku á handtökustað sést að Tiger var samvinnufús við lögreglu en augljóslega ruglaður. Tiger sagði lögreglunni að hann hefði ekki drukkið áfengi og það fékkst staðfest með öndunarsýni.

Eftir handtökuna lét Tiger frá sér fara fréttatilkynningu þar sem sagði að hann hefði haft „óvænt við viðbrögð við lyfseðilsskyldum lyfjum.“ 

„Ég vil líka biðja fjölskuyldu mína, vina og áhangendur afsökunar af öllu hjarta. Ég býst líka við meiru af mér,“ sagði Tiger m.a. „Ég ætla að gera allt í valdi mínu til þess að tryggja að þetta gerist aldrei aftur.“

Skv. ESPN, sagðist Tiger sekur af því að hafa keyrt gáleysislega og var dæmdur í endurhæfingarprógram. Ef hann stenst prógramið, getur Tiger beðið dómara um að taka dóminn um gáleysislega aksturinn af sakaskrá sinni.