Tiger hverrar krónu virði

Tiger Woods olli uppnámi meðal skipuleggjenda WGC-HSBC Championship, sem lauk síðustu helgi þegar hann mætti ekki vegna þess að hann varð að sinna málefnum styrktar- og samningsaðila sinna.

Ekki  nema von, því alltaf þegar Tiger keppir verður mótið mun áhugaverðara í augum hins almenna golfáhugamanns.

Tiger mun keppa í Tyrklandi nú í þessari viku á Turkish Airlines Open og er talinn hljóta $3 milljónir bara fyrir að mæta og tía upp.

En forseta tyrkneska golfsambandisins,  Ahmet Ali Aoaoolu, finnst peningunum vel varið.

„Hann kemur með til borðsins miklu meira en bara það að spila golf. Hann er súperstjarna á margan annan hátt!“ sagði Aoaoolu í viðtali við Bernie McGuire í gær.

Turkish Airlines Open fer fram á golfvelli The Montgomerie Maxx Royal í  Belek, Tyrklandi n.k. fimmtudag.

„Við vitum að hann er dýr en við teljum peningunum vel varið vegna þess að allt sem hann gerir utan vallar gerir hann með sama klassanum.“ bætti  Ahmet Ali Aoaoolu við.

Meðal annarra stórstjarna, sem keppa í Belek ásamt Tiger eru Justin Rose, Hvaleryarvinur og sigurvegari Opna bandaríska 2013, Ryder Cup stjarnan Ian Poulter og FedExCup sigurvegarinn sænski Henrik Stenson.