Tiger flaug til Indlands til að spila 18 holur!

Tiger Woods kom til Nýju Delhi á Indlandi í dag, í fyrstu heimsókn sinni til Indlands, þar sem hann mun spila við sérstakan gest í einkamóti, sem styrkt er af mótórhjóla framleiðanda.

Nr. 1 á heimslistanum kom til Indlands frá Sameinuðu arabísku furstadæmunum eftir keppnina á Omega Dubaí Desert Classic, þar sem náð var í hann úr VIP svæði flugvallarins undir mikilli öryggisgæslu.

Tiger mun spila 18 holu hring undir strangri öryggisgæslu í Delhi golfklúbbnum í fyrramálið.  Fjölmiðlum verður ekki leyfður aðgangur.

„Ég er hræddur um að þetta sé einka“ sagði einn af fyrirsvarsmönnum klúbbsins. „Jafnvel reglulegum félögum er ekki leyft að koma á völlinn, nema þeim hafi verið boðið.“

Fjórtánfaldur risamótssigurvegarinn (Tiger) mun spila við forstjóra Hero Motors, Pawan Munjal og gesti hans, sem eru indversku kylfingarnir Shiv Kapur og Arjun Atwal.

Kapur er félagi í fína Delhi golfklúbbnum og spilar reglulega á Evrópumótaröðinni og Asíutúrnum. Atwal hins vegar er vinur Woods og félagi á PGA Tour.

Fréttamenn giska á að Tiger fá sjöstafa upphæð fyrir viðvikið.

Þrátt fyrir að almenningur og fjölmiðlar fái ekki aðgang að golfinu, gæti það aukið áhugann á íþróttinni, þar sem bæði Tiger og Kapur spila.

„Heimsókn Tiger til Indlands mun hafa mikil áhrif þar og valda eftirtekt ekki bara í Delhi heldur í öllu landinu,“ sagði Kapur á hliðarlínum Dubai Desert Classic í síðustu viku.

„Ég veit að félagarnir í klúbbnum mínum eru mjög spenntir og það verður mikið af fólki að reyna að klifra yfir veggina til þess að ná að sjá Tiger.“

„Eins og allir vita þá er það krikket sem er aðalíþróttagreinin á Indlandi. Þannig að a.m.k. í 1 dag mun heimsins besti stela athyglinni frá Sachin Tendulkars og Virender Sehwags.“