16. brautin á Augusta National –
Ragnheiður Jónsdóttir | apríl. 14. 2013 | 15:45

The Masters í beinni

Fyrsta risamót ársins meðal karlkylfinga, The Masters hóf göngu sína fimmtudaginn 11. apríl s.l. og að venju á Augusta National golfvellinum.

Allir bestu kylfingar heims eru meðal keppenda en einnig nokkrir óþekktir áhugamenn og þar hefir hin ungi, kínverski Guan Tianlang aldeilis slegið í gegn en hann lék 1. hringinn á 73 höggum, mun betur en margir sem reyndari eru. Hann er sá yngsti sem komist hefir í gegnum niðurskurð á PGA Tour móti aðeins 14 ára og eftir 3. dag er hann í 3. neðsta sæti þeirra sem komust áfram. Ótrúlegur árangur 14 ára stráks!!!

Eftir 3. hring leiða Argentínumaðurinn Ángel Cabrera og Bandaríkjamaðurinn Brandt Snedeker.

Tiger er til alls líklegur, byrjaði rólega eins og hans er von og vísa á 70 höggum á fyrsta hring og var eftir 2. hring ná samtals 1 höggi undir pari, vegna 2 högga í víti, sem hann fékk fyrir að taka ekki víti með réttmætum hætti í samræmi við reglu 26-1a og að skrifa undir rangt skorkort (Brot á reglu 6-6d) og eftir að Nefndin breytti frávísunarvíti sem hann átti að hljóta fyrir síðargreinda brotið í 2 högga víti. Eftir 3. hring í gær deilir Tiger  7. sætinu ásamt Tim Clark frá Suður-Afríku.

Útsending frá the Masters hefst kl. 16:00.

Sjá má The Masters í beinni með því að SMELLA HÉR: 

Sjá má stöðuna í The Masters (4.og lokahring) með því að SMELLA HÉR: