The Masters 2015: Spieth sigraði!

Það var sá sem búinn var að leiða alla mótsdaga The Masters risamótsins, Jordan Spieth, sem stóð uppi sem sigurvegari.

Sigurskorið var 18 undir pari, 270 högg (64 66 70 70) – jöfnun á lægsta heildarskorinu, en í reynd setti Spieth nýtt heildarskormet eftir 36 holur – var á 14 undir pari þá og jafnaði síðan 54 holu heildarskormetið var á samtals 16 undir pari þá og lauk keppni 18 undir eins og áður segir, en við það jafnaði Spieth met um lægsta skor eftir 72 holur á Masters, 270 högg, sem Tiger setti 1997.

Spieth er líka sá fyrsti á Masters sem kemst í að verða 19 undir pari og setja það á skortöfluna á lokahringnum en það var eftir fuglinn, sem hann fékk á 15. braut lokahringsins – skollinn á 18. eyðilagði það að hann setti nýtt mótsmet fyrir lægsta 72 holu heildarskor.

Spieth er næstyngsti sigurvegari The Masters risamótsins, en sá yngsti er Tiger Woods, (1997) en hann var 21 árs og 3 mánaða og 14 daga, meðan Spieth er 21 árs og 8 mánaða og 16 daga nú þegar hann vinnur Masters titil sinn og fyrsta risamótstitil sinn (Spieth er fæddur 27. júlí 1993). Þriðji yngsti sigurvegari mótsins er Seve Ballesteros (1980) en hann var 23 ára og 4 daga gamall þegar hann sigraði á The Masters.

Fyrir sigurinn á The Masters hlýtur Spieth 1,8 milljóna bandaríkjadala (u.þ.b. 234 milljónir íslenskra króna) og draumur, sem hann hefir haft a.m.k. frá því hann var 14 ára rættist!

Það var síðan Masterssigurvegari 2012 og 2014 Bubba Watson sem klæddi Spieth í græna jakkann eftirsótta í Butler´s Cabin.  Hér má sjá myndaseríu af því þegar Bubba klæddi Spieth í græna jakkann SMELLIÐ HÉR: