The Masters 2014: Verða það yfirleitt Spieth eða Watson sem sigra á Masters? 5 aðrir líklegir sigurkandídatar

Sjónir manna beinast nú einkum að hinum unga Jordan Spieth og hinum reynslumeiri Bubba Watson, sem sigurvegurum Masters.  Athyglin hvílir öll á þeim en meðan svo er kunna aðrir þáttakendur að vera að hugsa sitt ráð.

Hér fer listi yfir 5 aðra sem allt eins vel gætu staðið uppi sem sigurvegarar í kvöld:

Matt Kuchar er með gullfallega sveiflu

1. Matt Kuchar.  Kuch hefir aldrei sigrað í risamóti. Þetta er tækifærið hans. Hann er aðeins 1 höggi á eftir Bubba og Jordan Spieth og í golfi er það ekki mikið, svona fyrir lokahringinn.

Jonas Blixt

2. Jonas Blixt.  Blixt á sjéns á að skrifa sig í sögubækurnar og verða fyrsti sænski karlkylfingurinn til þess að sigra á risamóti.  Sænskir kvenkylfingar hafa áður sigrað í risamótum kvennagolfsins sbr. t.d. Annika Sörenstam og því verður Blixt ekki fyrsti Svíinn til að sigra í risamóti. Og líkt og Kuch er Blixt bara 1 höggi á eftir forystumönnunum.

Miguel Angel Jiménez

3. Miguel Angel Jimenez. Hann var á lægsta skori keppenda í gær 66 höggum.  Hann hefir sýnt að hann getur skorað vel á Augusta National.  En skyldi það gamalkveðna í golfinu eiga við um hann að góðum hringi fylgi jafnan slæmur?  Líkt og Blixt á Jimenez sjéns á að komast í golfsögubækurnar sem elsti kylfingurinn (50 ára) til þess að sigra á Masters mótinu og slá þar með við meti Jack Nicklaus.

Lee Westwood

4. Lee Westwood. Líkt og með Kuch hefir Westy aldrei unnið risamót og það er svartur blettur á annars svo frábærum ferli.  Nú er tækifærið en hann er aðeins 3 höggum á eftir forystumönnunum. Lee er að verða 41 árs eftir rúma viku og það kannski ýtir undir að hann gefur allt í sigurinn í kvöld.

Justin Rose

5. Justin Rose.  Var nokkur búinn að afskrifa Rose? 4 högg er ekki mikið – en líklega þyrfti hvorutveggja að gerast að báðir Spieth og Watson eigi slæman dag og Rose brilleri…. sem gæti skeð.