The Masters 2014: Phil tapaði $1 veðmáli við golfáhanganda

Phil Mickelson var við æfingar á Augusta National sl. þriðjudag í undirbúningi fyrir the Masters þegar teighögg hans á par-3 6. holunni var of langt og lenti bakvið flöt.

Þar rakst Phil á miðaldra golfáhanganda sem var óhræddur við að segja þreföldum Masters meistaranum álit sitt á högginu.

„Hann var eitthvað að tala um að þetta væri „erfitt högg“ sem ég ætti eftir, að redda þessu, ekki sjéns og bla, bla, bla,“ sagði Mickelson ergilegur.

Phil veðjaði því við golfáhangandann að hann myndi ná boltanum á flöt og pútta fyrir pari.  Mickelson hefir s.s. kunnugt er unnið sér inn meira en $80 milljónir á ferli sínum og tugimilljóna dollara til viðbótar á allskyns auglýsinga og styrktarsamningum.  Hann halaði inn litlar 40 milljónir dollara bara á síðasta ári.

En hér gekk þetta meira um heiðurinn.

„Þetta var alls ekki erfitt högg,“ sagði Mickelson. „Ég hefði átt að ná boltanum upp.“

Phil að borga $1 skuldina

„En ég náði þessu ekki,“ sagði Phil.

Þannig eftir að skrönglast í skolla, gekk hann aftur fyrir flötina og borgaði veðskuld sína.

„Ég varð að borga honum,“ sagði Mickelson. „Það er það sem gerist þegar maður tapar.“

En Phil var með ekkert klink á sér þannig að hann varð þar að auki að  fá lánað hjá kaddý Jason Dufner.

En það þarf enginn að finna til með Phil vegna þess að hann tapaði veðmálinu. Og ekki bara vegna þess að hann er flugríkur.  Þennan dag nefnilega kepptu þeir Rickie Fowler gegn þeim Dustin Johnson og Jason Dufner, þar sem þeir síðargreindu töpuðu og þar var keppt um „aðeins“ meiri pening. Miklu meiri.

„Rickie Fowler og ég vorum í liði og hann í miklu stuði,“ sagði Mickelson hlægjandi yfir „velgengni“ sinni. Hann var á 30 á fyrri 9, hann fékk örn á 13. holu og fugla á 17. og 18 og ég held annan á 15.  Hann spilaði ótrúlegt golf. Það var gott að hann var með mér í liði.“

Svona gengur þetta maður tapar og sigrar. Oh, það er alltaf gott að vera Phil.