The Masters 2012: Mastersmótið hefst í dag!

Mastersmótið hefst í dag á Augusta National golfvellinum í Georgíu, en þar keppa með sér 50 bestu kylfingar heims, auk nokkurra annarra sem keppnisrétt eiga en í þeim flokki eru m.a. fyrrverandi sigurvegarar The Masters.

Myndin með fréttinni er tekin af ungum kylfingi, en yfirmenn Augusta National eru að reyna að skapa aukinn áhuga meðal krakka á aldrinum 8-16 ára með því að bjóða þeim að fylgjast með Masters frítt.  Milljónir annarra um heim allan fylgjast síðan með gangi mála á Augusta National í sjónvarpi.

Krakkinn á myndinni er í táknræna græna lit Masters, en keppt er um heiðurinn að fá að klæðast Græna Jakkanum, sem verðlaunhafinn fær síðan að geyma í 1 ár… og auðvitað líka gríðarháa peningaupphæð, s.s. venja er á risamótum.

Grænt er litur gróanda, uppgangs, vaxtar og vorsins, sem er á næsta leyti og vonandi að það verði framtíð golfsins, rétt eins og þess stutta, sem er á myndinni.

Annars væri nú gaman að fá að vita hvar svona litlir pútterar fást eins og krakkinn er með á myndinni?