Ragnheiður Jónsdóttir | apríl. 6. 2012 | 07:00

The Masters 2012: Lee Westwood leiðir með 1 höggi eftir 1. dag

Það er Lee Westwood sem leiðir að loknum 1. hring á The Masters risamótinu, sem hófst á Augusta National í gær.  Lee fékk 7 fugla og 2 skolla. Fuglarnir komu á par-5 2. brautina (Pink Dogwood); par-4 5. brautina (Magnolia); par-3 6. brautina (Juniper);   par-4 7. brautina (Pampas)  ; par-5 8. brautina (Yellow Jasmine); par-5 13. brautina (Azalea); par-4 17. brautina (Nandina).

Sjá lýsingu Golf 1 á brautunum HÉR: 

Lee fékk líka 2 skolla: á 4. braut þar sem hann missti stutt pútt fyrir pari og á 10. braut, sem margir áttu í erfiðleikum með.

Sjá má viðtal við Lee eftir 1. hring HÉR: 

Í viðtalinu sagði Lee m.a.: „Já, ég spilaði vel – ég hef verið að spila vel í allt ár og reyndi bara að halda því áfram, þar sem þetta er völlur sem ég elska að spila, hann virðist henta vel leik mínum – ég hitti brautirnar vel, var inni á flöt á tilskildum höggafjölda í 16 skipti og setti niður mörg pútt allt frá 5-10 fetum (2-4 metrum).“

Öðru sætinu deila Svíinn Peter Hanson og Louis Oosthuizen frá Suður-Afríku, en báðir eru höggi á eftir Lee, á 68 höggum hvor -4 undir pari.

Í 4. sæti eru :

T4 – USA Ben Crane Titleist -3 8:56 am ET – 69 – – – 69
T4 – USA Jason Dufner Titleist -3 9:18 am ET – 69 – – – 69
T4 – USA Bubba Watson Titleist -3 10:35 am ET – 69 – – – 69
T4 – SCO Paul Lawrie Titleist -3 11:19 am ET – 69 – – – 69
T4 – ESP Miguel A. Jimenez -3 1:42 pm ET – 69 – – – 69
T4 – ITA Francesco Molinari -3 1:53 pm ET – 69 – – – 69

Fjórir kylfingar eru síðan í 10. sæti á -2 undir pari, 70 höggum hver, þ.á.m. Jim Furyk.

Rory McIlroy spilaði á 71 höggi, -1 undir pari og deilir 14. sæti með 14 kylfingum þ.á.m. Svíanum Henrik Stenson og Bandaríkjamanninum Steve Stricker.

Tiger Woods spilaði á sléttu  pari, 72 höggum og deilir 29. sætinu ásamt 15 öðrum kylfingum, þ.á.m. Fred Couples, Sergio Garcia, Justin Rose og Martin Kaymer.

Níu kylfingar eru í 64. sæti á +4 yfir pari, sem væri ekki í frásögur færandi nema af því að heimsins besti kylfingur, Luke Donald er í því sæti ásamt m.a. Adam Scott.

Til þess að sjá stöðuna eftir 1. dag The Masters smellið HÉR: