Symetra: Breytt dagskrá hjá Ólafíu Þórunni

Ólafía Þórunn „okkar“ Kristinsdóttir hefir gefið út að hún ætli að spila að mestu leyti vestan hafa nú í ár, þ.e. í 2. deildinni hjá konunum í Bandaríkjunum, Symetra Tour.

Symetra tilkynnti í dag að næstu 5 mót á dagskrá hjá mótaröðinni sem áttu að fara fram 7. maí – 14. júní n.k. hafi öllum verið frestað og því verður Ólafía ekkert að spila í Symetra mótum fram í miðjan júní a.m.k.

Mótin sem frestuð voru eru eftirfarandi:

1) The IOA Invitational í Milton, Georgíu, sem átti að fara fram 7.-9. maí 2020;

2) The Symetra Classic í Davidson, N.C., sem átti að fara fram 13.-15. maí 2020;

3) Zimmer Biomet Championship hosted by Nancy Lopez í Opelika, Alabama, frá 20.-23. maí 2020;

4) The CDPHP Open í Albany, N.Y., frá 29.-31. maí 2020; og

5) Four Winds Invitational í South Bend, Indíana, sem átti að fara fram 12.-14. júní 2020.

Ennfremur hafa önnur mót sem áður var frestað verið færð til dagsetninga síðar á árinu og breytt fyrirkomulag er á lokaúrtökumótunum fyrir LPGA. M.a. verður síðar tilkynnt um á hvaða völlum lokaúrtökumótin 3 fara fram.

Lesa má nánar um þessar tilfæringar á dagskrá Ólafíu Þórunnar og annarra kylfinga á Symetra mótaröðinni með því að SMELLA HÉR: