Ragnheiður Jónsdóttir | nóvember. 19. 2013 | 08:45

Svikari golfvara dæmdur

Enskur svikari sem sveik tvo aðila um annars vegar  um £900 (180.000 ísl. kr.) og £350 (70.000 ísl. kr.) með því að selja þeim golfkylfur og golfföt, sem hann hafði aldrei í hyggju að afhenda, enda ekki til staðar, hlaut dóm í  Oxford Crown Court.

Fyrir dómi viðurkenndi  Alan Wayte, frá Glebe Rise, King’s Sutton, sem er nálægt Banbury, að hafa  svikið Grant Funnell og  Mark Millar um   £1,250 (samtals kr. 250.000 ísl. kr.) á árunum 2010 og 2011.

Timothy Boswell, saksóknari sagði m.a. fyrir  Oxford Crown Court  að fórnarlömb Wayte’s hefðu yfirfært fé sem þau hefðu sparað yfir til hans og hann hefði aldrei haft neinn ásetning til að afhenda þeim golfvörurnar.

Wayte hefir þegar afplánað dóm  í fangelsi í Northampton 1997, fyrir samskonar misnotkun á trúnaðartrausti viðskiptavina sinna.

Varnarlögmaðurinn Stephen Parker, sagði m.a.: „Þegar hr. Wayte á í fjárhagslegum erfiðleikum, þá hegðar hann sér með þessum hætti.“

Meðal þess sem dómarinn með fyndna nafnið Pringle sagði við sakborninginn var: „Þetta er ekki í fyrsta sinn sem þú hefir svikið fólk,“

Wayte komst í þetta sinn hjá fangelsisdóm er var dæmdur til að endurgreiða sóknaraðilunum báðum það fé sem þeir höfðu fengið honum, kr. 250.000,- með vöxtum.

Þessu máli svipar til máls frá október 2009  þegar maður var dæmdur fyrir að selja falsaðar Titleist vörur  á vefsíðunni eBay.