Sveitakeppni GSÍ: Sveit GSS sigraði í 2. deild kvenna!

Það voru heimakonurnar í sveit Golfklúbbs Sauðárkróks (GSS) sem sigruðu á Hlíðarendavelli í 2. deild kvenna í dag.

Í sigursveit GSS voru eftirfarandi:

Árný Lilja Árnadóttir

Dagbjört Rós Hermundsdóttir

Ragnheiður Matthíasdóttir

Sigríður Elín Þórðardóttir

Liðsstjóri: Hlynur Þór Haraldsson

Úrslitaleikurinn var leikinn við sveit Golfklúbbs Selfoss (GOS) og í stuttu máli unnu liðsmenn GSS alla leiki sína eða 3-0.

Í fjórmenningnum sigruðu þær Ragnheiður Matthíasdóttir, GSS og Sigríður Elín Þórðardóttir, GSS  þær Olgu Lísu Garðarsdóttur, GOS og Öldu Sigurðardóttur, GOS 2&0.  Árný Lilja Árnadóttir, GSS vann tvímenningsleik sinn gegn Alexöndru Eir Grétarsdóttur, GOS 2&1 og   Aldís Ósk Unnarsdóttir, GSS vann Guðfinnu Þorsteinsdóttur, GOS nokkuð örugglega eða 6&4.

Um 3. sætið léku sveit Úthliðar, sem er að taka þátt í 1. sinn og vakti verðskuldaða athygli í mótinu fyrir lekkeran klæðaburð og sveit GA, en sveit GA vann í viðureign þeirra 2-1.  GA vann fjórmenninginn og klúbbmeistarinn Stefanía Kristín Valgeirsdóttir GA, bar sigurorð af Dýrleifu Örnu Guðmundsdóttur GÚ,  í tvímenningnum.  Eina sigur Úthlíðar í úrslitaviðureigninni vann liðsstjóri GÚ og klúbbmeistari  Hólmfríður Einarsdóttir, en hún bar sigurorð af hinni ungu Andreu Ýr Ásmundsdóttur, 2&0.

Lokastaðan í Sveitakeppni GSÍ í 2. deild kvenna árið 2014 er eftirfarandi:

1. sæti Sveit GSS  (Leikur í 1. deild að ári)

2. sæti Sveit GOS (Leikur í 1. deild að ári)

3. sæti Sveit GA

4. sæti Sveit GÚ

5. sæti Sveit GÓ

6. sæti Sveit GVG

7. sæti Sveit GHG

8. sæti Sveit GP

Sveit GÚ varð í 4. sæti

Sveit GÓ varð í 5. sæti

Sveit GP í 8. sæti