Ragnheiður Jónsdóttir | ágúst. 25. 2014 | 07:30

Sveitakeppni GSÍ eldri kylfinga 2014: Sveit GKB sigraði í 2. deild – Kvennasveitir GKB og GA leika í 1. deild að ári

Í gær lauk keppni í 2. deild eldri kvenna í Sveitakeppni GSÍ.

Fjórar sveitir eldri kvenna voru við keppni í 2. deild í ár, 2014: GA, GB, GHG og GKB.

Íslandsmeistarar í 2. deild eldri kvenna í Sveitakeppni GSÍ er sveit Kiðjabergs (GKB) og leikur sveitin í 1. deild ásamt þeirri sveit sem varð í 2. sæti, þ.e. sveit GA.

Sveit GA sem varð í 2. sæti í 2. deild og  spilar í 1. deild á næsta ári!!!

Sveit GA sem varð í 2. sæti í 2. deild og spilar í 1. deild á næsta ári!!!

Sigursveit GKB var skipuð eftirfarandi kylfingum: 

Regína Sveinsdóttir

Unnur Sæmundsdóttir

Unnur Jónsdóttir

Helga Dóra Ottósdóttir

Guðný Kristín S Tómasdóttir

Brynhildur Sigursteinsdóttir

Liðsstjóri: Snorri Hjaltason

Keppnin var í 3 umferðum:

1. umferð

Sveit GKB vann sveit GHG 3-0.  Unnur Sæmunds, GKB og Guðný Kristín, GKB unnu þær Þórdísi Geirs, GHG og Gróu, GHG í fjórmenningi 6&5. Brynhildur, GKB og Regína, GKB  unnu tvímenningsleiki sína gegn Kolbrúnu, GHG og Elínu Hrönn, GHG. Reyndar vannst leikur Regínu, GKB gegn Elínu Hrönn, GHG naumt en hann fór á 19. holu.

Sveit GA vann sveit GB 3-0.  Unnur Elva, GA og Eygló Birgis, GA unnu fjórmenninginn gegn þeim Þuríði Jóhannsdóttur, GB og Ragnhildi Nielsen, GB 4&3. Halla Sif, GA vann Júlíönu Jóns, 5&3 en leikur Þórunnar Haralds, GA, gegn Fjólu Pétursdóttur, GB vannst naumt, en hann fór á 20. holu.

2. umferð

Sveit GKB vann Sveit GB 2-1.  Júlíana Jónsdóttir og Guðrún R. Kristjánsdóttir héldu uppi heiðri GB en þær unnu „Unnirnar“ Jónsdóttur og Sæmundsdóttur, GKB í fjórmenningleik. Þær Regína, GKB og Brynhildur, GKB unnu hins vegar tvímenninga sína gegn þeim Ragnhildi Nielsen, GB og Fjólu Pétursdóttur.

Sveit GA vann Sveit GHG 2-1. Elín Hrönn hélt uppi heiðri GHG en hún vann tvímenningsleik sinn gegn Höllu Sif, GA naumlega 1&0. Aðrir leikir GA unnust.

3. umferð

Sveit GB vann GHG 2-1 og Sveit GKB vann Sveit GA 3-0.

 

Úrslit voru eftirfarandi:

1. sæti Sveit GKB

2. sæti Sveit GA

3. sæti Sveit GB

4. sæti Sveit GHG