Ragnheiður Jónsdóttir | ágúst. 22. 2012 | 14:30

Sveitakeppni eldri kylfinga: GA-ingar eru Íslandsmeistarar í 1. deild eldri karla

Sveitakeppni  eldri kylfinga fór fram s.l. helgi. Sveitir í fyrstu deild karla eldri kylfinga spiluðu Selsvöll að Flúðum.

Það er Golfklúbbur Akureyrar, sem er Íslandsmeistari í sveitakeppni 1. flokks eldri kylfinga í karlaflokki 2012!!!

Í gull-sveit Íslandsmeistara GA-inga í sveitakeppni GSÍ 2012 – 1. flokki eldri karla eru þeir: Bjarni Ásmundsson, Björgvin Þorsteinsson, Hafberg Svansson, Haraldur Júlíusson, Sigurður H. Ringsted, Viðar Þorsteinsson, Þórhallur Pálsson og Þórir V. Þórisson. Sveit

GA sigraði sveit GR í hörkuspennandi úrslitaleik um 1. sætið og Íslandsmeistaratitilinn. Leikar fóru svo að sveit GA vann 3-2.  Leikir GA sem unnust voru fjórmenningurinn þar sem  Sigurður H. Ringsted og Bjarni Ásmundsson unnu Hörð Sigurðsson og Rúnar S. Gíslason, í GR naumt 1&0.  Síðan sigraði GA í  tveimur tvímenningsleikjanna, en Viðar Þorsteinsson vann Skarphéðinn Skarphéðinsson 3&2 og Haraldur Júlíusson vann Óskar Sæmundsson 4&3.

Silfur-sveit GR var skipuð þeim: Garðari Eyland, Herði Sigurðssyni, Jóni Hauki Guðlaugssyni, Óskari Sæmundssyni, Rúnari S. Gíslasyni, Sigurði Hafsteinssyni, Skarphéðni Skarphéðinssyni og Sæmundi Pálssyni.

Í baráttunni um 3. sætið hafði Nesklúbburinn betur gegn sterku liði Golfklúbbsins Keilis, þar sem ekkert féll með Keilismönnum. T.a.m. vann NK fjórmenninginn naumt á 19. holu.

Golfklúbbi Öndverðarness tókst að halda sér í 1. deild en þá sveit skipuðu: Guðjón Snæbjörnsson, Guðmundur Arason, Guðmundur E. Hallsteinsson, Kristján W. Ástráðsson, Ólafur Jónsson, Stefán Gunnarsson, Trausti R. Hallsteinsson og Þorsteinn Þorsteinsson.

Það voru sveitir GO og GS sem féllu í 2. deild.

Úrslit í sveitakeppni GSÍ – 1. deild eldri karla voru eftirfarandi:

1. deild karla eldri kylfinga:
1. Golfklúbbur Akureyrar
2. Golfklúbbur Reykjavíkur
3. Nesklúbburinn
4. Golfklúbburinn Keilir
5. Golfklúbbur Vestmannaeyja
6. Golfklúbbur Öndverðaness
7. Golfklúbbur Suðurnesja
8. Golfklúbburinn Oddur