Suzann Pettersen íþróttakona Noregs!

Norska frænka okkar, nr. 2 á Rolex-heimslistanum yfir bestu kvenkylfinga heims, Suzann Pettersen,  var valin íþróttakona ársins (nor: Årets kvinnelige idrettsutøver) í Noregi í gær á hinni árlegu „Idrettsgalla“ m.ö.o. íþróttahátíð Norðmanna.

Suzann tvítaði m.a. þessa mynd af verðlaunagripnum sem hún hlaut

Jafnframt var hún valin Íþróttamaður ársins í Noregi, hlaut m.ö.o. Utøvernes pris á norsku,  ásamt skákmanninum Magnúsi Carlsen.

Tutta og Magnús á íþróttahátíð Norðmanna í gær

Þetta er ekki í fyrsta sinn sem Pettersen er valin íþróttakona Noregs en hún hlaut titilinn m.a. árið 2009. Sjá með því að SMELLA HÉR: og með því að  SMELLA HÉR: 

Hins vegar mun þetta vera í fyrsta sinn sem kylfingur hlýtur Íþróttamannstitilinn (þ.e. Utøvernes pris) en þeim titli deildi Suzann, sem segir, með Magnúsi Carlsen, sem klárlega var sigurvegari kvöldsins með 4 verðlaun.  Hann vann það einstæða afrek 2013 að sigra heimsmeistarann í skák, Indverjann Viswanathan Anand. 

Suzann, sem Norðmenn nefna gjarnan Tutta  sagði m.a.: „Þúsund hjartans þakkir“ þegar hún sté á sviðið og tók á móti verðlaununum.

Tutta er fædd 9. apríl 1981 og er því 32 ára. Hún þakkaði m.a. foreldrum sínum, golfsambandinu norska og norsku þjóðinni árangur sinn í þakkarræðunni.  „Mest af öllum vil ég þakka þjóðinni,“ sagði Suzann. „Ég vona til þess að þetta stuðli að því að fleiri byrji í golfi,“ sagði Suzannn Pettersen m.a.

Á árinu vann Suzann m.a. Evian Masters, sem í fyrsta sinn var spilað sem risamót í ár, þ.e. er 5. risamótið í kvennagolfinu og auk þess 3 önnur mót á LPGA, auk þess sem hún var lykilkona í sigurliði Solheim Cup og lengi vel í baráttunni um 1. sætið á heimslistanum, en því stefnir hún að því að ná af Inbee Park, nú í ár, 2014.

Sjá má alla vinningshafa frá íþróttahátið Norðmanna 2014 með því að SMELLA HÉR: