Ragnheiður Jónsdóttir | júlí. 11. 2019 | 11:34

Strippklúbbur aflýsir móti á velli Trump

Strippklúbbur nokkur í Miami, „Shadow Cabaret“ tilkynnti í gær, 10. júlí 2019 að góðgerðargolfmót sem fyrirhugað var að halda á einum af golfvöllum Donald Trump hefði verið aflýst.

Ágóðinn af mótinu átti að renna til staðbundinna góðgerðarsamtaka og í mótinu var þátttakendum boðið upp á „kaddýstelpu að eignn vali.“

Vegna andrúmsloftsins allt í kringum golfmót okkar hefir Shadow Cabaret ákveðið að aflýsa mótinu. Við viljum biðja hvern þann afsökunar sem gæti hafa hneykslast á mótinu,“ segir á facebook síðu klúbbsins.

Á vefsíðu Shadow Cabaret var mótið auglýst sem „Kynþokkafyllsti góðgerðaratburður Miami 2019“ og á auglýsingunni voru bleikar varir á golfbolta sem og fjölskylduskjaldarmerki Trump fjölskyldunnar.

Mótið átti að vera á morgunn, þar sem þátttakendur áttu að hitta „kaddýstelpuna sína“ og síðan átti að vera „gala show“ á laugardaginn.

The Trump Organization og the Miami Allstars Foundation — körfuboltatengd samtök, sem líka áttu að hagnast af atburðinum aflýstu mótinu einni skv. heimildum Washington Post.

The Post birti í gær grein þar sem kom fram að  Carlos Alamilla, framkvæmdastjóri Miami Allstars, hefði ekki haft hugmynd um mótið.

Hann sagðist hafa hringt í klúbbinn og sagt þeim að þau vildu ekki tengjast mótinu á neinn hátt .

The Trump Organization birti fréttatilkynningu þar sem sagði að þar sem þeir sem njóta ættu góðs af fjáröfluninni vildu ekki vera með myndi mótið ekki fara fran á velli Trump og að allt yrði endurgreitt sem búið væri að borga fyrir s.s. fyrir völlinn og afnot af klúbbhúsi.